Mumbai-ah kangmei chhuak, thi leh hliam awm lo

Mumbai-ah kangmei chhuak, thi leh hliam awm lo
Pathianni zing khan Maharashtra khawpui Mumbai-a Worli area-a Poonam Chambers-ah kangmei a chhuak niin Mumbai Fire Brigade te chuan an sawi.
MFB chuan he thil thlen thu hi pathianni chawhma dar 11:30 velah report an dawn chauh thu an sawi a, an hriat veleh chechhuak nghalin, thi leh hliam erawh an awm lo niin an sawi.
Kangmei chu chhawng sarih nei commercial building chhawng hnihna atanga chhuak nia sawi a ni a, kangthelh pawl an thlen hian meikhu nasa tak la awmin, hun rei lote chhunga thelh mih theih erawh a nih thu sawi a ni.
Kangmei chhuah chhan hi hriat a ni lo a, chhui chian nghal a nih thu sawiin, thi leh hliam an awm loh chhan chu kartawp bazar leh office khar hun lai a nih avanga chhiatna nasa zawk thleng lo a nih thu MFB chuan an sawi bawk.