Italy PM-in damdawi inah Pope a kan

Italy PM-in damdawi inah Pope a kan
Italy Prime Minister Georgia Meloni-i chuan damdawi inah Pope a tlawh a, a chuap pahniha pneumonia a neih avangin enkawl mek a ni.
Kum 88 mi hi Zirtawpni khan a thawk lam a fel tawk loh deuh avangin Rome-a Gemelli damdawi inah dah luh a ni.
Meloni-i chuan ‘min hmu chu a lawm a, min lo chiauau thei a, fiamthu kan thawh char char a ni. A fiamthu duhna engmah a hloh lo,” tiin a sawi.
Italian sorkar leh an ram pumin rang taka dam chhuak leh turin an duhsak tih a sawi bawk.
Kar tir lamah khan Vatican chuan an endikna leh a awm an X-ray result-ah Pope hi ‘ngaihven ngai’ tiin an lo sawi tawh.
Pneumonia hi lungah sa siamin ser pawh a siam thei a, hei hian awm a ti na a, thawk a tiharsa thin.
Vatican chuan pontiff hriselna dinhmun derthawng tak dinhmun thar a tihchhuahah chuan engkim hriain tukthuan pawh a ei thei niin an sawi.
Vatican thuneitu sang pakhat pawhin Pope hi a khum atang pawhin a tho chhuak thei a, a awmna pindana thutthleng bân neiha pawh a thu chhuak peih a, hna thenkhat pawh a thawk thei tih a sawi.
Inrinnia a tih thin, vantlang hmaa a inlan thin erawh a thulh a, Pathiannia Mass pawh a hmang thei lo bawk.
Damdawi in tualah chuan amah duhsaktu leh biakzinte pungkhawmin an tawngtai a, bati an chhi a, thu ziakin chhel taka awm tura fuihna thu an tar lang hlawm.