Aizawlah Consumer Rights Day

Aizawlah Consumer Rights Day
Food, Civil Supplies & Consumer Affairs department bultumin Thawhtanni khan Aizawlah World Consumer Rights Day 2025 hman a ni a. He ni hi district dang chuan kar kalta Inrinni khan an hmang deuh vek a ni.
Hun hmannaah hian Aizawl Municipal huamchhunga gas distributor zingah zaa za LPG home delivery kalpui thei hmasa ber leh awmchhun M/s Zothan Indane, Luangmual Aizawl hnenah a tih that avangin award hlan a ni.
Hmanpuitu FCS&CA minister B Lalchhanzova chuan consumer-te dikna chanvo zau zawka inrhilhhriatna atan social media hman tangkai thiam a pawimawh tawh tih a sawi a. Hmasawnna ngelnghet a awm theihna atan pawh consumer right chu thil pawimawh ber pawl a ni, tiin, “Khawvel hi insumdawn tawnna hmanga kal a nih avangin, sumdawngte leh anmahni dawrtute karah khi engmah awm loa, inringtawn leh dik taka kalho tlan a pawimawh a ni,” a ti.
Mahni dikna chanvo theuh humhalh tura tan lak chu mitin mawhphurhna a ni tih a sawi bawk.
Kumin World Consumer Rights Day thupui hi “A Just Transition to Sustainable Lifestyles” tih a ni a. Mizoram University professor Dr James LT Thanga chuan powerpoint presentation hmangin thupui a sawizau a ni.