Aizawl District Jail sawn dawn

Armed Venga Aizawl District Jail chu tuna Central Jail awmna thlang, Tanhril ram huamchhungah sawn a ni dawn tih Home minister K Sapdanga chuan a sawi.
Assembly Session-ah Home minister chuan, Mizorama jail ho a tawt em em deuh vek a, a sak belhna tur sum a harsat laiin a tang tur lam an indaih chak vang a ni ber tih a sawi. He harsatna sutkianna tur hi SASCI atangin an hmu dawn nia a lan thu a sawi.
SASCI sum vaibelchhe 55 chu District Jail 8-ah sem sawmin, jail hrang hrang hi a hmuna tlawha endiktu an insiam tawh a, thiah ngai leh siamthat ngai, ngaihdam thehi leh thuamthat ngai, a thlak ngai thlak turin ruahman a ni tih a sawi.
Aizawl District Jail chu Central Jail awmna thlangah sawn tumin ruahman a ni a, a ram zau zawng tehchhuah tawh niin, detail project report an buaipui mek a, hei hi tih hlawhtlin hun chuan Central Jail pawh a ti thawl thei turah an ngai tih a sawi.
“In ruahmanna chauh erawh a la ni a, sem sanction a la awm lo,” Home minister hian a ti.
Central Jail-in mamawh tul tak tak a neih – tui connection tha zawk, prison van tha zawk, zun in leh ek in, street light tha zawk, thawktu tam zawk ngaihtuah sak chu sawrkarin a hria a, heng mamawh hrang hrang phuhru tur hian hma lak mek zel a ni tih a sawi bawk.