ADBBA Season Opening 2025 Mipui lawm hlawh small Mike Nursery veng naupang kum 12 lek!

ADBBA Season Opening 2025
Mipui lawm hlawh small Mike
Nursery veng naupang kum 12 lek!
Aizawl District Basketball Association (ADBBA) buatsaih season opening 2025 chu Hawla Indoor Stadium, Republic vengah khelh chhunzawm chhoh mek a ni.
Tarlan tawh angin team 64 inlanna, player 800 chuang zet telna hi knockout system-a khelh a ni a, he thu buatsaih lai thleng hian team 20-in 2nd round lut an lut tawh.

Lawmman leh
a chhehvel

He inelna kal meka thiam ber, champion team hian champion trophy leh certificate bakah Rs. 10,000 an dawng dawn. Runners up in trophy, certificate leh Rs. 5,000 an dawng bawk ang. Mimal titha, MVP-in trophy, certificate leh Rs. 1,000 a hum haw thei cheu bawk dawn a ni.

Mipui lawm hlawh Nursery veng naupang, Small Mike!

Graceland sikul naupang, Nursery veng basketball player ni bawk, Michael Lalnunmawia kum 12 mi lek chu tun tum inelnaah hian Nursery Basketball Club tan rawn inlanin, he kum 12 leka upa hian 4th qtrs chhungin point 12 lai a nei hman!
Senior player rual zingah pawh a ball thiamna a langsar nghal hle!
Pi Madini fapa Mike pate-a hi inkhelh a thiam avanga Graceland School (zirna in tha Graceland School hian sports qouta mi bik tan awmze neia hman nachang an hria hi an fakawm thlawt) a lut thei a ni a, an sikul tan hian Inter School-ah champion nomawi pawh a lo hlawhchhuak tawh nghe nghe.

Season Opening 2025

ADBBA hnuaia Division 1, Division 2 leh Division 3-te’n inelna an hmachhawn mek hi July ni 1 atangin 2nd round khelh a ni ang a, July ni 10 zan dar 8-ah final khelh tura ruahman a ni.