LESDE MBBA Inter Veng 2025Naktuk zan final leh a chhehvel!

LESDE MBBA Inter Veng 2025
Naktuk zan final leh a chhehvel!
July ni 3, 2025 atanga khelh tan chu a hmawrbawk hun kan lo hnaih ta hle mai.
Nizan lama semi finals khel result tarlang hman lo mah ila, he tournament chungchanga phochhuah tlak thenkhatte in han lipse dawn teh ang.
A thiam veng 4 zinga
chawrno duhawmte
Dawrpui Vengthar tan an head coach Nuna hian under 23 players pasarih a team enkawlah hian a telh. An zingah hian Hlua, Dina leh Tuiatea te hian hmun pawimawh an changpha.
Sawi hmaih thiang lo Mpa leh Jonatha-a te hi intihsiakna a la awm leh ngai a nih chuan an veng hmachhuan tlak thiau zingah an hming hi a lian pawl a ni.
Zarkawt tan an head coach Dino-an Under 23 inelna neih zawh tak atang khan player paruk ngawt ringngamin a chhawr zui a; tharum ngah Dina hi a khel tha fal hle.
Ruatsanga leh Zolawmkima ten minute chang tam lo mah se, an hun tha neihah rintlak an ni tih an lanitr bawk. Zarkawt veng tan erawh Hnehpuia inelna tan tir atanga a inhliam (kheimit hliam) hi chanchin hriat nuam ber a ni lo thung!
Nursery veng hian Under 23 intihsiakna neih zawh tak atang khan player pakua zet mai tun tournament atan hian an head coach Albert-a hian a ko a, rinrawl zingah Hmangaihzuala (Miller-a) a, Laldinpuia (Pipia) leh Reuben-a te a hmang zui nghe nghe.
Semi finalist zingah kum chawh rualin team naupang ber an ni hial awm e.
Tuikual South hi champion tum viau mah se, an head coach Tyson-a hian hma lam thlir chungin player hming lian leh lar sa ringawt khawm lovin, Under 23 player pasarih ngawt a ko – TKS tana inlan turin hmel thar pathum heng zingah hian an tel nghe nghe!
Veng tana U 23 lama lo inlan tawh pali zingah Jeptha-a bakah Rinpuia leh Joseph-a te chungah rinna a nghat a, semi final an thlen theihna turin heng chawr no rual hian tha an thawh thuk hle.
Semi finalist-te’n hruaitu tha an nei
Dawrpui Vengthar hi thlir ila, team tha ber leh chhah ber an ni lo. Hming thai lan phu an nei – an senior player, champion ngat se MVP nih phu Dennis-a an nei. Ani hian team a kaihruai tha hle.
Nizan lama an elpui Zarkawt team thlir ila, an tha rualin kum lama naupang leh senior player inpawlh rual ber team zinga mi an ni a – MSL tum nga champion nomawi chawi tawh Matthew Sailo kaihhruaina hnuaiah team inpumkhat tha ber zinga mi an ni.
Nursery veng hi kum lamah pawh inrual tlang ber an ni ang. Chutih rualin he tournament ngei ngeiah pawh mize tha zawnga inthlak player laktlak sawt awmna an ni.
An player langsar ber Emmanuel VL Awmpuia hi inkhelh laia teammate-te chet fuh loh palh vin leh hau nghek nghek thin mihring ni ngat se, Mizorama veng/khuaa thiam ber pali zingah an tel lovang.
Tuikual South hi Dina Fanai hming nena inzawm tlat a ni. An veng naupang tan tih tak takna entirtu a ni. Hei hi lantir thei ni lo se, team khauh ber an ni bik lo. An veng hian thiam dan an nei a, khelh dan an nei bawk – teamwork tha hi an hmachhuan a ni!
A fuh chiah, fuh chiang lo maw…
Inter Veng/khua hi fur khaw kara khelh mah ni se, veng/khua hruaitu mahni khawtlang aiawha khel te a hmun ngeia tawiawm tlat thin kan hmu.
Semi final-ah an veng an inlan thap nghe nghe – pahnih erawh chuan final an thleng dawn lo!
Mahse, hetiang mahni veng/khua tana mi inpe hruaitute hi chhinchhiah an ni, zah pawh an phu hle.
Mihring inngaihsak leh intawiawm a tul zual tawhna khawvelah hian khawtlang hruaitu tha te hi an hlu zual mang e.