Party 10 telna MDA-in August-ah mipui sorkar din beisei

Party 10 telna MDA-in August-ah mipui sorkar din beisei
Party 10 inzawm khawm, sorkar laipuia National Democratic Alliance (NDA) zawmtu ni bawk, Manipur Democratic Alliance (MDA) chuan August thla tirah ‘mipui sorkar’ a din ngei an beisei tih sawiin President’s Rule pawh sei chu a thlen loh an ring tih an sawi.
Inrinnia Imphal-a MDA office-a thuthar lakhawmtute a kawmnaah an convenor, M. Tombi chuan, “President’s Rule pawh sei emaw, sorkar awm lai mek thiah emaw a thleng lo vang. Central-a NDA kan hruaitute, Shiv Sena leh union minister te pawh telin, kan hruaitu tam zawkin mipui sorkar din tha an ti a, August thla tirah chuan a din hman a beisei,” a ti.
MDA hian Thawhtanni atanga tan, parliament fur thutkhawm a zawh hma ngeiin mipui thlan sorkar chu an din fel hman tur thu an sawi a ni.
Manipur-ah hian May 3, 2023 atanga thla eng emaw zat chi leh chi inkara buaina a chhuah hnuah chief minister atangin N. Biren Singh-a bângin February 13, 2025 atang khan President’s Rule-a dah zui a ni.
Tombi-a chuan sorkar thar din lehna tura MLA thenkhat ngiaunger an awm chu pawi a tih thu leh ‘mahni tanghma hai leh thuneihna neih châk’ niin a sawi a. Political party zawng zawngte chu hruaitu inpawhna rilru dah thaa mipui sorkar a din ngei theihna tura thawhpuiah a sawm bawk.
Hetih lai hian MDA leh NDA-a tel, Shiv Sena pawhin thil pali phut an neih an tichhuak a. Hetah hian mipui sorkar din te, buaina avanga baihvaia awm mekte an awmna pangngaia kirtir leh vek te leh Union Home Minister Amit Shah-a’n March 8-a a lo sawi tawh, kawngpuia zalen taka veivah theih te a tel.
Hei bakah hian kum 2011 chhiarpui behchhana assembly/parliament bial then kalpui an phut tel a. Hemi tur hian dan lova India rama dan lova pem lutte hriat chhuaha telh loh vek tura tih ni se an ti a. Manipur-ah phei chuan ram dang mite um chhuah an nih hma chuan bial then kalpui ni lo se an ti.