Asia Cup khel tur team-ah Siami

Asia Cup khel tur team-ah Siami
Thla thar September 5-14 chhunga China ram Hangzhou khuaa nghah tur women’s Asia Cup khel tur Indian women’s hockey team member 30 hming tarchhuah tak zingah Mizo midfielder Lalremsiami Hmar a tel.
He squad-ah nikum atanga captaibn atana hman tan kum 23 mi Salima Tete chu captain atan thlan leh a ni.
India hi Pool B-ah Japan, Thailand leh Singapore-te nen an awmho dawn a; September ni 5 khian an bultannaah Thailand tumin, a tukah Japan an su zui leh ang a; Singapore nena an final pool-stage match chu September ni 8-a khelh tur a ni thung.
Asia Cup champion hi 2026 FIH Women’s Hockey World Cup khel tura direct-a an tlin nghal dawn avangin tournament pawimawh a ni a, Hockey India pawhin squad tha ber dinchhuah tumin tleirawl tha za rual leh tawnhriat ngah tawh player an koh pawlh chiat a ni.
Chief coach Harendra Singh chuan an squad thlanchhuah chu phurawm tak a nih thu sawi chungin tumruhna sang tak nen training pawh an kalpui mek tih a sawi a; tawnhriat nei tha tawh leh young talent inpawlh chuan beiseina a siam thu phur taka sawiin, goal bawh awn tlat chunga inthununna tha tak vawng tlat hockey khelh chhuah an tum thu a sawi a; Asia khawmualpuia team khawng ber ber hmachhawn tur pawha a team a rin ngam thu a tarlang tel.