Basketball Academy Bihchianna
Basketball Academy Bihchianna
Kan khawpui lamlianah tak mai silai phawrh leh inkap tih vel te thinphu tirang zual sauh tur a rik laiin, hmun tam zawkatah erawh chuan infiamna hmangin rimawi hriat nuam a zam vel ve tho – kum lama naupang zawk leh tleirawlte tan rualelna rilru paukhauh an neih theih nan tan la a, mimalin basketball academy changtlung taka kalpui te an awm!
He khawvelah hian sawisel leh sawi pawr nuam ti em em te, hmasawnna tur pawh ngaihtuah chuang lo hruaitu hmingpu ve ngat ngat te awm mah ila – an mihringpuite tana tangkai tum tlat, mahni hmachhawp hlenchhuah tum ngar ngar hi an kuh tul ve reng tho.
Chung zingah chuan heng basketball academy enkawltute hi fei se, tlo deuh deuh se tiin The Aizawl post Hoops Mania chuan duhsakna kan hlan e.
1. Dennis Basketball Academy – Khatla South-ah kalpui a ni. Mizorama basketball academy mimalin an enkawl hlun ber a ni mek bawk. Sikul chawlh milin academy-ah hian an kal thin.
Din kum – 2011.
Zirlai – 50
Monthly Fee – Rs 500
Fee pe mumal lo hi a tam zawk te ni thin mah se, he academy buatsaihtu Pu Dennis-a hian Pathian rawngbawlna pakhatah ngaiin kum tam a lo buaipui ta. He academy atanga chhuak player tha zual mi 20 bawr vel zet chuan St. Joseph HSS ah free scholarship an dawng hial ta.
Tunhnaiah he academy hi inzarpharh zau zualin, Hermon Children Home, Durtlanga khawsa te tan a thlawnin he academy hi kalpui a ni bawk.
2. Hoop2HoopBasketball Academy –
Dawrpui leh Babutlang basketball court-ah inrinni tin kalpui thin a ni. Marc Lalthlamuana Sailo, Zarkawt chuan a enkawl.
Din kum – 2022.
Zirlai – 70
(Zirlai harsa tan a free bawk.)
Kum 12 hnuai lam leh chung lam ten session hnih an neih thinah a hranin coaching an kal thin.
3. Buddy Basketball Academy – Nursery veng basketball court-ah kalpui thin a ni. Lalrintluanga (Atluanga), Nursery chuan Thawhtanni atanga Nilaini zing dar 6:30 am- 7:30 am kalpuiin a enkawl mek.
Din kum – 2022
Zirlai – 20 (Zirlai harsa tan a free bawk.)
Admission Fee – Free
Monthly Fee – Rs 500
4. Fadeaway Basketball Academy-
Chawnpui leh Zotlang basketball court-ah an kalpui. Sikul chawlh milin academy-ah hian an kal thin. C. Vanengmawia, Zotlang chuan a enkawl.
Din kum – 2023
Zirlai – 25 only (Limited)
Admission Fee – Rs 800
(1 month free coaching)
Monthly Fee – Rs 500
5. Jumpstart Academy – He basketball academy hi Armed Veng Community Center-ah an kalpui. David Lalruatfela, Armed veng chuan a enkawl.
Din kum – 2025
Zirlai – 32
Admission Fee – Rs 200
Monthly Fee – Rs 500
(Khawsak harsa tan a free vekin an kalpui bawk. Kum bithliah hi September atangin a awm tawh dawn lo. Sikul chawlh milin academy hi kalpui a ni.)
Mimal, veng leh club ang te a basketball academy hi kalpui an lo awm nual tawh a, hmunhma tha neih tawk loh avangin a thlawna free coaching pe duh tan pawh basketball court awl a awm loh thin avang leh a hmun hman man a to avangin academy hi buatsaih a har fo.