MSL 11 – Khatla TBL The Yellow Stars – |hazuala & Emmanuel-a!

MSL 11 – Khatla TBL
The Yellow Stars – |hazuala & Emmanuel-a!
Kum 1995 daih tawh khan TBL football club din a lo ni tawh a, hemi hnu hian Khatla TBL Basketball Club hi a piang zui!
Pu Thanbanglova tupa pahnih Pu Marova leh Pu Tluangtea te khan thu intawm nghet taka vawn an nei, “Mizo thalaite tan kawng kan sial ve theihna alawm” tih khan an nun a kaihruai a, he khawvel an chhuahsan hnu tun MSL 11 tanna dar a rik lek lek thleng hian anni unau thu leh hla ah khan Khatla TBL chhungkua hi an la ding a, MSL vawi 3 champion tawh hi club hlun an ni satliah lo, club hlu an ni tlat.
Kum 2015 khan Mizoram Super League khelh tan a ni a, chumi kum chuan tuna Khatla TBL coach ni ta H. Laldinsanga (Mapuia) hi star player mai ni lovin, tualchhung super star a ni – ani ho hian MSL 1 leh 2 an champion. Khatih hun lai khan club 1 chuan Mapuia hi mawm hmak thama lak chhhuah an tum a, tawktarh itawm tak chu hi Khatla TBL star player Mapuia hian a hnawl – club tan a rinawm tlat!
Hun a inher zel a, tualchhunga basketball boruakah sum leng leh chevel a hraw tial tial a; Mapuia ianga mahni club tana rinawm tlat Khatla TBL lamah hian player pahnih an awm – Thazuala leh Emmanuel-a te hi chutiang zinga mi chu an ni. Player naran an ni lo va, tualchhung star player an vanglai leh vul lai hun hmang mektu an ni a, MSL 8-ah khan champion nomawi anni pahnnih hian an hmangaih Khatla TBL club tan hian an lo chawi nghe nghe tawh bawk a nih kha.
Khatla TBL star player pahnih chu
Emmanuel Vanlalawmpuia hi Nursery venga khawsa a ni a, an veng Nursery BC leh Khatla TBL tan baka la khel lo a ni. An veng tan hian U 23 tourney nikuma buatsaihah khan champion nomawi chawiin MVP atan thlan a lo ni tawh – a theihna san zia chu a kum tam lamah en suh, a inkhel en zawk rawh.
A kum 21-na hmang mektu Emmanuel-a hian an elpuite na taka nawrin, a chet ranna hian tualchhung tlangval kum 21 chinah chuan player tha ber a nih chian tir hle. Ani pawh hian Mizoram basketball chanchin ziahna hlang awmchhun lehkhabu 1984-a lang phak khawpin hniak a lo hnutchhiah tawh – champion thei tura quality tha a kawl hi vanneihpui tak maw?
Khatla TBL captain, Bungkawn tlangval media hmachhawn zen zen lo Vanlalthazuala hi fit 6 a sang a ni. Hollow BBSP ah lo khel tawhin, Khatla TBL ti eng mawitu a ni.
MSL X-ah khan Mizo player zawng zawng zinga point nei tam ber a ni a, game tinah points 22.2 (22.2 ppg) nei phak khawpa talent nei tha, tawng aia khelmuala theihna lantir mai thin player a ni.
Khatla TBL captain hian, “MSL 11-ah hi a phurawm tawh hle. Kan coach Sir Mapuia hnuaiah tha takin kan inbuatsaih a, player-te kan insiksawi danglam nual dawn chungin kum lama naupang zawkte nen champion ngei tumin theihtawp kan chhuah ang!” a ti.
Game boruak a san poh leh he Khatla TBL star player pahnih hian ennawm leh hmuhnawm phochhuak thei turin zamnain a ngam leh a rinawm loh – khel zui tham fe chanchin nei pahnihte hi innghahna tham an ni tih tichiang turin MBBA season opening-ah khan champion nomawi an chawi leh sak tawh kha.
Hoops Mania Timeout
Tawnhriat ngah, Champhaia basketball uar chhuaktute zinga mi Khatla TBL Asst. Coach Richard Lalropuia chuan, “Tun season-ah hian player-te siksawi nasa in recruitment kan mamawh dan angin kan hotuten an nei a. Season tir atangin kan Head Coach Sir Mapuian practice plan felfai tak siamin, a hnuaiah hian kum tluan in schedule mumal tak min neihpui. Kan tum leh kan beisei kan pha ang em chu ka hre chiah lo na in, season hmasa ngaihtuahin danglamna nasa tak chu kan neih ngei kan beisei” tiin an club hmathlir a tarlang.