Pope-in ralthuam daha inbe turin ngen

Pope Leo chuan Iran leh Middle East ram hrang hrang atangin thuthang lungchhiatthlak tak a thleng chhunzawm zel tih a sawi a, tharum thawhna titawp tur leh inbiakna neih theihna tur inhawng turin a ngen.
US-Israel tangdunin Iran an beih ni kuana, Pathianni khan indona a zual zel avangin US pope hmasa ber chuan chu buaina hian hlauhna leh huatna a tipung tih a sawi a, a darh belh zel thei tih a sawi bawk.
St. Peter’s Square-a Angelus tawngtaina neihnaah Leo chuan, “Thawkna leh chhiatna thleng thin leh huatna leh hlauhna boruak zau tak bakah hian buaina hi a darh thei a, he biala ram dangte pawh, Lebanon duh tak telin, vawi khat chu a dinhmun nghet lo takah an pil leh thei dawn tih ngaihtuahna a awm leh tan mek zel a ni,” a ti.
“Bomb ri a reh theih nan, ralthuam ri a reh theih nan leh mipui aw hriat theihna tur inbiakna hmun hawn a nih theih nan Lalpa hnenah inngaitlawm takin i tawngtai ang u,” a ti bawk.
Roman Catholic hruaitu lu ber hian Nilaini khan US-Israel tangdun beihna hian khawvel dan a tichhia nia sawiin eng eng ram mahin ‘indo ven’ tia chet theihna dikna chanvo a nei lo tih a sawi a, hei hi sipai chakna hmanga chetna sawiselna chiang taka ngaih a ni.