Gandhi-i dinhmun a tha zel

Congress hruaitu hlun, Sonia Gandhi-i chu damdawi ina dah luh a nih hnuah enkawlna a dawnte a ngeih viau nia sawi a ni a, Sir Ganga Ram Hospital-a a la awm chhunzawm zel bawk.
Chairman Dr Ajay Swaroop-a chuan Gandhi hi Thawhlehni zan khan damdawi inah hian dah luh a ni tih sawiin, antibiotics hmanga enkawl mek a nih thu enkawlna hi a ngeih tih Ningani chawhma khan a sawi.
Doctor thiam rualte enkawlna hnuaiah a awm a, a dinhmun hi uluk takin an en fiaha thlithlai reng a ni tih a sawi bawk.
Gandhi-i hi fimkhur thilah ni hnih khat dang damdawi inah enkawl chhunzawm a nih a rinawm a. A dinhmun hi a nghet a, a na lem lo niin sawi a ni.
Kum 79, mi hruaitu hi Thawhlehni zan dar 10.22 vel khan khawsik a neih avangin damdawi inah hian dah luh a ni a, a hmain thuneitute chuan a natna hi khaw lum leh khaw vawt inthlak danglam nasa vang niin an sawi.