G7 ramten Chernobyl nuclear plant khuhna siam that tum

G7 ramten Chernobyl nuclear plant khuhna siam that tum
Khawvel ram hausa pasarih, G7 group of nations-a foreign minister-te chuan Ukraine-a Chornobyl nuclear plant venhimna (shield) siam that hna thawhna tur, Euro maktaduai 500 vel chungchang an sawiho dawn tih French Foreign Minister Jean-Noel Barrot-an a sawi.
France-a G7 meeting neih turah Barrot chuan thuthar thehdarhtute a kawmnaah, “He sum thawhkhawmnaah hian G7 hian hmahruaitu a ni tur a ni a, European Bank for Reconstruction & Development (EBRD) nen thawhhona tha tak an nei a ni,” tiin Ningani khan a sawi a. EBRD President Odile Renaud-Basso-a pawhin G7 foreign minister-te intawhkhawm ni hnihna, Zirtawpni khan a chhim bawk.
Drone-in a tihchhiat avangin Chornobyl-a protective shield chuan a nih dan tur angin mihring tana him khawpin hna a thawk thei lo niin United Nations hnuaia nuclear thlithlaitu pawl chuan nikum khan a lo sawi tawh a ni.
Ukraine khawchhak lama Chornobyl nuclear plant hi kum 1981 khan chhiain nuclear zungzam put chhuak avangin a cheng zawng zawngten chhuahsanin khawvela nuclear chhiatna rapthlak ber a tling a. A plant hi a him nan khuh a ni a, a chung hi tuna Russia leh Ukraine indonaah drone-in a tichhia a, a him tawk tawh lo a ni.