Haiti lailia mi sual pawl chetnaah mi 16 thi

Police-te chuan kartawpa Haiti lailia mi sual pawl (gang) thununna hmuna pawikhawihna thleng hrang hrang thlenga mi 16 thihna hmun thlen tumin hma an la mek.
Police-in thi 16 chauh an la sawi laiin tual chhung chanchinbu mi pakhat chuan ‘mi 20 vel thi’ a nih thu a sawi a, mihring dikna chanvo humhalhtu pawl pakhat chuan 70 vel a tlin theih thu a sawi bawk.
Dikna chanvo humhalhtute chuan Haiti-a mi sual pawl hlauh ber zinga mi, Gran Grif gang chu he pawikhawihna thlentu an nih thu an sawi a, mi 6,000 vel an tlanchhia niin an sawi.
Gang tharum thawhna hian Caribbean ram hi kum tam tak chhung a tibuai tawh a, tihtawp tura tirh ram tang rual police-te chuan gang-te thuneihna hmuna luh tumin an bei nasa hle.
Jean-Denis thingtlang hmuna Petite-Rivière de l’Artibonite khuaa chengte chuan beihna hmasa ber hi Pathianni zing hma taka thleng niin an sawi.
Haitian news site Le Nouvelliste hnenah gang member-te chu ‘kil tin atangin an lo thleng’ tih an sawi a, in an hal a, tlanchhiate chu an kap zui bawk.
Dam chhuakte chuan a tuk zingah kawngpuiah ruang darh nuai an hmuh thu an sawi.
Thawhtanni khan beihna vawi hnihna a thleng nia sawi a ni.
Ruang 16 chu a bul hnaia ruang dahna hmunah dah a ni tawh a, gang member-ten an la fang kual reng avangin tual chhung mite chuan ruang hi lak an la hlau hle.
Ombudsman office chuan mi 19 vel silaimua hliam an ni tih a sawi a, gang member an awm chhunzawm zel avangin thi zat finfiah a harsat thu a sawi bawk.
Heng beihna hi commander pakhat, ‘Ti Kenken’ tia hriat kaihhruaia tih a nih rin a ni.
Tun hma chuan tual chhung mite gang laka humhim tura din, vigilante group-a hruaitu a ni thin a, Gran Grif a zawm niin Haiti chanchin hriaten an sawi.