2026 American Music Awards-ah record siamin BTS-in award an dawng
2026 American Music Awards-ah
record siamin BTS-in award an dawng
2026 American Music Awards (AMA) chu nimin tuk khan MGM Grand Garden Arena-ah an sem ta a, tun tum hi AMA an sem vawi 52-na a ni ta a, kumin hian Kpop lam an chetha hle a, BTS-in award ngaihhlut ber artist of the year an dawn bakah “Swim” avangin song of the summer an dawng a, best male Kpop artist an dawng bawk. Anni bakah hian K-pop lam atangin KPop Demon Hunters soundtrack leh he soundtrack tana aw thawhtu K-pop singer ten award an dawng nual bawk. Kumin hi AMA-a K-pop artist te chet that ber tum niin, BTS i Asian zinga he award-a artist of the year dawng hmasa ber an ni bawk.
BTS hi show hawngtuah tangin, Jungkook, V, Jin, RM, Suga, Jimin leh J-Hope te stage-ah inlanin “Hooligan” an perform a, anni hian SZA hnenah R&B artist award an hlan bawk. BTS hi tun kum li chhunga award show-a an telna hmasa ber a nih bakah tun kum li chhunga award show-a an peformance hmasa ber ani a, AMA stage bikah an perform vawi khatna a ni bawk.
KPop Demon Hunters chuan best soundtrack dawngin, an soundtrack pakat “Golden” avangin HUNTRIX (EJAE, Audrey Nuna leh Rei Ami) ten song of the year an dawng a, anni pathum hian “Golden” avang in Best Vocal Performanceleh Best Pop Song an dawng bawk.
Heng bakah hian genre bik awmna category lamah BTS-in best male Kpop artist an dawn a, TWICE-in best female Kpop artist an dawng a, tihian kumin AMA-ah K-pop lam award dawn zawn zawng chu pasarih a tling a, AMA-a K-pop chet that ber tum a la ni.
Hetihrual hian kumin AMA-a nomination pariat nei a, nomination-a langsar ber, Taylor Swift kut ruakin a haw tlat mai. Taylor Swift hian AMA hi 40 a lo dawng tawh a, AMA history-a award dawng tam ber a ni tawh bawk. Nomination lama langsar dang Morgan Wallen chuan nomination pasarih a neih atangin award pakhat- Best Country Male Artist a dawng a, Sabrina Carpenter chuan nomination pasarih a neihna atangin award pathum a dawng a, chung zingah chuan a album ‘Man’s Best Friend’ avanga Album of the Year a dawn a tel a, Best Female Pop Artist leh Best Pop Album a dawng bawk. Alex Warren leh Lady Gaga te pawh nomination a langsar niin, paruk ve ve an nei a, kutruakin an haw ve ve!
Award semna hi Queen Laitfah-i’n a host a, ani hian 1995 khan he show hi Rom Jones leh Lorrie Morgan te nen a lo host tawh bawk. Celeb te red carpet-a an inlan hnuah chhunglamah award semna show mit leh beng titlai tak hi an nei zui ta a ni. Kumin hian Karol G chuan International Artist Award of Excellence a dawng a, Darius Rucker chuan Veterans Voice Award dawngin, Billy Idol chuan Lifetime Achievement Award a dawng bawk.
Kumin hian award telh thar an nei nual a, chung zingah chuan Best Throwbck Song a tel a, he award hi Black Eyed Peas-in 2010-a an hla “Rock That Body” avangin an dawng a, stage-ah BEP reunion kan hmu a, apl.de.ap. will.i.am leh Fergie bakah Taboo ten award an dawng. Fergie chuan, “Ava nuam ve. Hetilaia kan thian leh ka unau Black Eyed Peas-te nen kan dinchhuah theih nana min vote tu fans zawng zawng te chungah lawmthu kan sawi e,” a ti.
Black Eyed Peas hi 2018 khan kehdarh tawh mah se group member te hi an la inpawh hle a, nikum khan Fergie, Will leh Taboo ten kum 50 an tling ta theuh a, an pianchampha lawmnaah pawh an la intelpui zak zak a, Apl pawh 2024-ah kum 50 tling tawhin, a lawmnaah an la tel kim thap zel a ni.
2026 American Music Awards Winners:
Genre-Neutral Categories
Artist of the Year : BTS
New Artist of the Year : KATSEYE
Album of the Year : Sabrina Carpenter – Man’s Best Friend
Song of the Year : HUNTR/X: EJAE, Audrey Nuna, Rei Ami – “Golden”
Collaboration of the Year : PinkPantheress, Zara Larsson – “Stateside”
Social Song of the Year : Tyla – “CHANEL”
Best Music Video : KATSEYE – “Gnarly”
Best Soundtrack : KPop Demon Hunters
Tour of the Year : Shakira – “Las Mujeres Ya No Lloran World Tour”
Breakout Tour : Benson Boone – “American Heart World Tour”
Breakthrough Album of the Year : Zara Larsson – Midnight Sun
Best Throwback Song : Black Eyed Peas – “Rock That Body”
Best Vocal Performance : The Singing Voices of HUNTR/X: EJAE, Audrey Nuna, Rei Ami – “Golden”
Song of the Summer : BTS – “SWIM”
Pop Categories
Best Male Pop Artist : Justin Bieber
Best Female Pop Artist : Sabrina Carpenter
Breakthrough Pop Artist : KATSEYE
Best Pop Song : HUNTR/X: EJAE, Audrey Nuna, Rei Ami – “Golden”
Best Pop Album : Sabrina Carpenter – Man’s Best Friend
Country Categories
Best Male Country Artist : Morgan Wallen
Best Female Country Artist : Ella Langley
Best Country Duo or Group : Zac Brown Band
Breakthrough Country Artist : Sam Barber
Best Country Song : Ella Langley – “Choosin’ Texas”
Best Country Album : Megan Moroney – Cloud 9
Hip-Hop Categories
Best Male Hip-Hop Artist : Kendrick Lamar
Best Female Hip-Hop Artist : Cardi B
Breakthrough Hip-Hop Artist : Monaleo
Best Hip-Hop Song : Cardi B – “ErrTime”
Best Hip-Hop Album : Cardi B – AM I THE DRAMA?
R&B Categories
Best Male R&B Artist : Bruno Mars
Best Female R&B Artist : SZA
Breakthrough R&B Artist : Leon Thomas
Best R&B Song : Bruno Mars – “I Just Might”
Best R&B Album : Bruno Mars – The Romantic
Latin Categories
Best Male Latin Artist : Bad Bunny
Best Female Latin Artist : Shakira
Best Latin Duo or Group : Fuerza Regida
Breakthrough Latin Artist : Kapo
Best Latin Song : Bad Bunny – “NUEVAYoL”
Best Latin Album : KAROL G – Tropicoqueta
Rock Categories
Best Rock/Alternative Artist : Twenty One Pilots
Breakthrough Rock/Alternative Artist : sombr
Best Rock/Alternative Song : sombr – “back to friends”
Best Rock/Alternative Album : sombr – I Barely Know Her
Other Genre Categories
Best Dance/Electronic Artist : David Guetta
Best Male K-Pop Artist : BTS
Best Female K-Pop Artist : TWICE
Best Afrobeats Artist : Tyla
Best Americana/Folk Artist : Noah Kahan