Dispo cup la khawmin record siam

Thil tuipui tawh lam hi chu record siamna khawp law law te hian hmang thei ila a \ha \hin dawn riau. Hei, India a cheng Sunil Joseph pawhin dispo cup kan tih ang chi, lehkha hmanga no siam (paper cup) chi hrang hrang 858 la khawmin, Guinness World Record a siam der mai asin. A record siam chu paper cup chi hrang lakhawm tam ber record a ni.
Kum 57 a ni tawh a, fa pahnih a nei tawh, chutichung chuan mipa naupang, pawl nga zirlai a nih a\anga a lo tuipui tawh, thil chi hrang hrang lakkhawm chu vawiin thlengin a la tuipui ta zel a, stamp, pawisa thir leh nawhalh bawm chi hrang hrang lak khawm te pawh a ti \hin.
Sunil Joseph chuan, “Naupan lai a\anga kan lo tui ve tawhna khan dam chhung a daih dawn a nih hi, thil chi hrang hrang lak khawm hi nuam ka ti reng mai a, hmul mehna tuamna kawr a\anga thlawtheihna boarding pass te, coffee mug a\anga tea bag thlengin a chi hrang hrang han khawl khawm vel hi nuam ka ti tlat,” a ti.
A record siam hmasak ber chu 2013 kha niin, phonecard chi hrang lakhawm tam ber niin, 5,986 a la khawm thei a, mahse, he record hi Eric Coutinho (Canada)-in 8,266 lakhawmin a rawn khum.
Sunil chuan, “World record siam tur hi chuan eng thilah pawh ni se inpek ve viau a ngai. Teirei peih te, tih \ang \ang te a pawimawh tlat,” a ti.
Dispo cup hi a chi hrang hrang a khawl tam tawh khawp mai a, 5ml a\anga 500 ml te a lak khawm zingah hian a tel a, ram hrang hrang 31 a\angin heng dispo cup te hi a khawl khawm a. Amahin a lak khawm mai bakah a chhungte leh \hiante pawh dispo cup an hmuh ang ang a danglam deuh te leh ram hrang hrang ami te an lakkhawm pui zel bawk a ni.