Kan duh dan pawm loh chuan FCRA Bill-ah kan thlawp lo ang – Lalduhoma

Foreign Contribution Regulation (Amendment) Bill 2026 putluh turah sawrkar laipuiin an duh dan an pawm thei lo a nih chuan Parliament-ah an MP ten an thlawp dawn lo tih chief minister Lalduhoma chuan a sawi.
Zirtawpnia Kawrthah-a thu a sawinaah chief minister chuan, sawrkar laipuiin FCRA Amendment kalpui a tum danah Mizote tana pawm theih loh a awm tih an hria a, Council of Churches in Mizoram leh Mizoram Kohhran Hruaitute Committee hruaitute an sawipui anga, he amendment kalpui tura an duh dan sawrkar laipuiah an thlen anga, an thu thlen hi an pawm theih chuan Mizoram MP-ten tha takin Parliament-ah sawrkar lai an thawhpui anga, an rawtna an pawm thei lo a nih erawh chuan an dodal dawn tih an sawi a ni.
Tunlaia India ram puma thalaiten lungawiloh an lantir chu an thlawp a, he movement kalpuitu Sonam Wangchuk pawh an thlawp tih chief minister hian a sawi. NEET exam paper leakout avangin India ram pumah thalaiten lungawilohna an lantir a, Aizawlah pawh niminah, niminpiahah thalaite an pungkhawm tih sawiin, “Kan thalaite hi kan thlawp a. He movement kal meka chawngheia nawrhna kalpuitu Sonam Wangchuk pawh kan thlawp a, kan tawrhpui a ni,” a ti.