A bial chhungah hna chhia a awm remti lo

Lengteng bialtu MLA, minister F Rodingliana chuan a bial chhungah hmasawnna hnathawhnaah a chhia a awm a remtih loh thu a sawi.
Kar kaltaa a bial chhung khaw hrang hrang a fannaah F Rodingliana chuan a bial chhungah hna chhia a awm a rem ti lo tih sawiin, contractor-te chu sawrkar dang anga hlep an neih tur bituk bak hlep neih beisei lo turin a chah. Mahni khaw chhunga hna chhuak reng reng uluk taka lo vil thin turin khaw tina khawtlang mipui a ngen bawk.
“Inthlanpui neih lai khan nasa taka tangin kan bei tlang a, tunah chuan inthlan a zo ta a, party bil leh party rilru dahtha in, ram leh hnam hmasawnna turin lungrual taka thawk tlang turin mipui ka sawm a ni,” a ti.