A chhas te chak lawmin field-ah Swift tlan lut

Taylor Swift-i tawih Travis Kelce te team Kansas City Chiefs chu AFC Championship Game-ah chakin, Super Bowl an inlan dawn ta. Swift pawh a awm mai mai thei lo, Baltimore-a field chhungah Kelce te chak lawmin a tlan luta, mipui zingah an inchuks! Kansas City Chiefs hian Baltimore Ravens chu 17-10 a hnehin 2024 Super Bowl khel turin an inhlangkai ta a ni.
Ruah a sur cherh cherh a, mahse, chutiang ruah sur cherh cherh hnuaia show neih te chu Swift-i thiam zawng tak a nia, a sam, a kir dan original ngei mai kha puin inkhel hi a en a, a thiante Cara Delevingne leh Keleigh Teller te pawh a kiangah an awm ve deuh reng. Kelce touchdown lawma a lam lai te pawh an tilang e.
Taylor Swift ‘ex’ list hi tlar tham fê chu a ni ve tawh a, mahse, tuna Kelce nena an inlaichinna ang hi chu tunhma a ngaihzawng kan hriat te nena an inkar kha chu a ni ve ngai lo. Tunah chuan khawiah mah an inthup lem lo a, Swift pawhin Kelce inkhel support-in a en ve fo a, Kelce chhungte nen pawh an inkar a tha tih a hriat a, chutiangin Kelce pawhin Swift concert a chhim ve zeuh zeuh a, Swift-i chhungte nen pawh an inkawm nel tawh tlat. Anni pahnih hian ‘tiam tlat e’ te pawh an tih mai hmel ta riau a ni.