ACH-a septic tank thar siamna tur en

Aizawl East II bialtu MLA, minister B Lalchhanzova chuan Health minister nen an lo sawidun tawhna bawhzuiin, Inrinni zing khan Civil Hospital Aizawla bio-digester septic tank siamna tur hmun a enfiah.
Minister hi medical superintendent Dr Zoramthanga leh thawktu dangten an lo dawngsawng a. Bio-digester hi Civil Hospital thli felfai zawka kaltir a nih theih nan a ruahman a, Civil Hospital-ah hian hman a lo ni tawh thin. A siam dan a fuh tawk loh deuh avangin a bulhnaia chengte tan harsatna a siam thin a, a thara siam tum a ni.
Bio-digester siam nan hian Rs. 17,19,900 ruahman a ni a, a siam hna hi SIPMIU-in a thawk dawn a ni.
Civil hospital hmunhma leh a chhehvel thianghlimna enzui turin, Hospital medical superintendent kaihhruaiin Dawrpui NGO hrang hrang aiawh telna Consultation Committee din turin ruahmanna siam a ni bawk.