ADBBA Cup 2025 Day 4
ADBBA Cup 2025 Day 4
Chawngthu Sports Aizawl District Basketball Cub 2025 chu vawiin hian a ni thumna turin Dawrpui Multipurpose Center-ah khelh chhunzawm a ni leh dawn a, dan pangaiin angin match ruk khelh a ni leh ang.
Hoops Mania Time Out
Mizoram Basketball Association (MBBA) rorelna thuchhuak thar berah chuan kum 2026 February thlaa khelh tur Mizoram Super League (MSL) XI atangin Promotion leh Relegation chungchang duan thar a ni a, hetah hian MSL Club pariat zing atanga club pathum relegate thin chu club pahnih chiah a ni tawh dawn.
MSL hnuai chiah D League club pariat zinga club chetha pahnih an promote ve thung tawh dawn a ni.
Hei hian ADBBA club insiksawi kawngah pawh thui tak nghawng a nei zui dawn tihna a ni a; ADBBA enkawl Division 1 pawh top club pahnih D League lamah an kai sang ve thung tawh dawn tihna a ni.
MBBA rorel hian club inenkawlna leh inrelbawlna kawngah thui takin nghawng a nei zui dawn tih a chiang a, club lam tan hamthatna tur a ni.
MSL club pariat atanga club pathum relegate hian nasa takin club tan insawhnghehna kawngah harsatna a thlen a, club ngialnghet mang lovin a awm theih phah a, he lai pawp hi tunah chuan thawm that a ni ta – hei hian, tarlan tak angin, ADBBA hnuaia club zawng zawng zawng a phuarkhawm nghet sawt tawh ang.
Chutih rualin, MBBA hnuaia association lian leh changtlung ber ADBBA tan hian Division 3 lama club affiliation tih theihna remchang awlsam tak hi nguntaka ngaihtuah zui a ngaih phah dawn tih a chiang.
Sawisel ve hrim hrim pawl hi pawl inrelbawlna ngun thluk taka zir lem lo, mi thusawi leh ngaihdan nghet zet an neih tawh hmanga inawitlei mai mai an ni deuh zel.
A fuh lo leh a dik lo lai kawk chat chat a, thil chik mihring zawkte’n he pawl sukthlek hi an ngawihbopui loh hian Mizo thalai tam tak hmakhua an sialsak – anni angin ngawi lova an ngaihdan an phawrhchhuah hi a hlu deuh deuh dawn.
November ni 5 zan inkhel result:
1. Bethlehem Vengthlang BC 34 – 68 Model Veng BC (Div. 1)
Nimin inkhel result:
1. Leitan Titans 55 – 29 Chanmari West SC (Div. 3)
2. Rhinos BC 40 – 57 Zonuam BC (Div. 3)
3. Khatla South Barons 65 – 57 Papa BC (Div. 2)
4. D2 OG 70 – 62 Armed Veng South BC (Div. 2)
5.RSC BC 69 – 65 College Veng BC (Div. 1)
Nizan last match result kan hre hman lo
6. DG BC vs Bawngkawn Horns (Div. 1)
Vawiina inkhel turte:
1. Crixix BC Vs Vanguard Team C – 10:00 am (Div. 3)
2. Mission Veng Hotshots Jr. Vs Jaguars BC – 11:30 am (Div. 3)
3. Kicksology Vs Sharks BC – 1:00 pm (Div. 2)
4. AVL Pacemakers Vs Ramthar BC – 3:00 pm (Div. 2)
5. Republic Veng BC VR4 Vs Mischieve BC – 4:30 PM (Div. 1)
6. Ramthar Hollow Vs Bethlehem Vengthlang BC – 6:00 pm (Div. 1)