Adviser-te staff-te tan thla khatah cheng nuai 15

Mizoram chief minister-in adviser panga a nei a, adviser pangate hian staff an nei ve leh. Chung an staff-te tan chuan sorkarin thla khatah Rs 1,527,265 a seng.
Adviser to chief minister hi panga an awm a, MLA pali- Lalmuanpuia Punte, TBC Lalvenchhunga, H Ginzalala, Dr Lorrain Lalpekliana Chinzah leh MLA ni lo Dr KC Lalmalsawmzauva te an ni.
Budget Session neih mekah Thawh\anni khan Serlui bialtu Lalrinsanga Ralte zawhna, ziaka chhan chi chhangin finance changtu Lalduhoma, chief minister-in adviser to chief minister-te staff-te hlawh atana senso zat hi House a hrilh a, an staff-te hlawh atan hian thla khatah Rs 1,527,265 sen a nih thu a sawi.
Adviser-te hian PS, PA, UDC, LDC, peon leh household peon te an nei a, Lalmuanpuia Punte hian household peon (in lama che) a nei ve lo. Mi dang palite hi chuan an nei.
MLA ni lo hian PS atan MCS officer a hmang a, MLA zingah TBC Lalvenchhunga’n MF&AS officer a hmang. Dr Lorrain Lalpekliana Chinzah-in PS a la nei lo.