Nimin khan agriculture minister PC Vanlalruata chuan ni thum awh tur 26th Mizoram Official Taekwondo Championship chu SAI State Training Centre, Mission Vengthlang Aizawlah a hawng.
Minister chuan Taekwondo chu sport chi hrang hrang zinga pawimawh tak pakhat a nih avangin ngaihhlut zual a pawimawh a ti a. Player-te inpekna chu fakawm a tih thu tarlangin, rilru leh tih takzeta khel turin a fuih a. Inelna hmachhawn kawngah rilru hrisel neih a pawimawhziate, chak leh chak loh dan thiam turte, zuk leh hmuama fihlim turte, insawizawia ei leh ina invawng turtein a chah a ni.
Mizoram Official Taekwondo Championship hi kum 1989 atangin Mizoramah huaihawt a lo ni tawh thin a. He inelnaah hian Mizorama district hrang hrang atangin an rawn tel thin a ni. Tun tum bikah hian district pasarih atangin infiammi 372 telin, heng infiammite hi category hrang hrangah then an ni.
Agriculture Minister-in Taekwondo Championship a hawng
Get real time updates directly on you device, subscribe now.
Next Post