“Ui pawh a vah a vah chuan ek thing a tawng nge nge,” an lo ti a, 2023 America’s Got Talent champion pawh ui thiam thil ngah tak Hurricane leh a pu Adrian Stoica te an ni. An putu dog show hian 18th season America’s Got Talent-ah American thinlung an hneh riau a ni.
Magician Anna DeGuzman chu pahnihna niin, dance troupe Murmuration chu pathumna an ni a, Indonesian singer Putri Ariani leh acrobat duo Ramadhani Brothers te top 5-ah an lang bawk.
Kumin AGT-ah hian singer Putri hian judge te pawh a hneh hle a, he tleirawl hian audition-ah Simon Cowell-a Golden Buzzer a dawng a, Simon hian, “Zaithiam leh performer chungchuang tak i ni tih hi tuman an hnial thei lo vang,” a ti nghe nghe a ni.
Howie Mandel pawhin Stoica leh Hurricane te chevel chu a fak hle a, “Mi ti ding hluai a, ka thu leh a, ka ding leh a. Pui tak a ni. Din tur nge thut tur tih pawh hriatthiam hleihtheih loh khawpin kan awm a. Ui a ni a, keini aiin thiam thil a ngah zawk lehnghal emaw ni. AGT-a ui chevel ka hmuh tawh zawng zawngah ka duh ber a la ni,” a ti ve bawk.
Sofia Vergara pawhin ‘sawiselbo’ tiin a comment a, Heidi Klum chuan, “Kan ka hau mai alawm, engtin nge hetiang hi in tih theih zawk,” a ti ve bawk.
Stoica leh a ui Hurricane te hian lawmman atan dollar maktaduai an dawn bakah Las Vegas-ah an pualin show an nei thei dawn bawk a ni.
AGT final hi darkar hnih zet show an nei a, zaithiam hrang hrang inlanin, 30 Seconds to Mars, Jason Derulo, Jon Batiste, Leona Lewis (Putri nen an duet) leh Season 17 winner The Mayyas te pawh an i perform a ni.
AGT 2023 Champion dog show
Get real time updates directly on you device, subscribe now.
Prev Post