Aizawl khawpui chawmtu tui lakna pui ber, Greater Aizawl Water Supply Scheme Phase-II a tui pump-na khawl pahnih zinga pakhat chu a chhia a, tui lak hi zaa 30 velin a kiam rih.September 20 kha MNPHE secretary Er C Lalremsiama sawi danin, GAWSS-II Dihmunzawl-a tui pump-na, electric khawl lian pakhat chu September 15 tlai atang khan a chhia a, a rang thei ang bera siamtha turin ngawrh takin hma an la. Hun engemaw ti chhung chu Phase-II atanga tui pump-na electric khawl lian hmang hian tui pump theih a ni dawn lo a, hei vang hian Aizawl khawpuia tui an sem dan thin zaa 30 vel chu a tlahniam rih lo thei loa, mipuiin theih ang anga tui an lo ren a tul tih a sawi.
PHE hotute sawi danin, he khawl hi a tar lam deuh tawh a, tunhnaiah project siamin Finance department-ah a thar lei dilna an thehlut a, hnawl a ni. A thar man hi cheng vaibelchhe 1.26 vel a ni. Tuna khawl chhia hi siamthat nan thla 6 emaw tal chu a ngaih an ring tih an sawi a ni.
Ningani khan PHE changtu deputy chief minister Tawnluia hoin PHE hotute hian thuthar thehdarhtute an kawm a. An hmalakna hrang hrang an sawi.
Zawhna chhangin PHE hotute chuan, tui connection neiten an meter atanga tui bill khawn a nih danah, hriatchian duh emaw lungawilohna emaw an neih chuan department hotu/ bialtute hnenah complaint an thehlut thei a, hei hi hriat fuh tawh loh vangin, a theih loh emaw ti an awm thin tih an sawi. Tui haw dan anga chhuta bill sang lutuk ang chi pawh complaint theih a ni a, tui meter endik lam changtu Legal Metrology hnena entir tur a ni tih an sawi a ni.
Aizawl chawmtu tui pump-na khawl a chhia
Get real time updates directly on you device, subscribe now.
Next Post