Aizawlah mit doctor khawmpui

Ophthalmological Society of Mizoram huaihawtin Eastern India Zonal Ophthalmological Congress (EIZOC), 8th MIDCON 2024 chu Aizawlah neih a ni a. State hrang hrang atangin mit doctor (ophthalmologist) an lo tel.
A hawnna hmanpuitu chief secretary Dr Renu Sharma doctor kalkhawmten thiamna thar inhrilhhriat hun atan hmang tangkai turin a fuih a. Khawvel changkang zelah hetiang inhmuhkhawm hi mi tam takin an tangkai pui ngei a beisei tih a sawi.
Intawhkhawmah hian EIZOC president Dr Pranav Ranjan leh secretary Dr Swaraj Bhattacharjee, Scientific Committee chairman Dr Sabyasachi Patnayak bakah Organizing Committee chairman Dr KL Remsanga leh secretary Dr Lalbiaktluangi ten thu an sawi a ni.
Ni hnih chhung – April 26 & 27 khan hman a ni a, mit hriselna lam kaihhnawih hrang hrangah seminar leh thusawi a awm a ni.