Alex Warren ‘Ordinary’ a lar ber
Alex Warren hla hit ‘Ordinary’ chu Billboard Global 200 chart-ah a No.1 a, he chart-a kar ruk a No.1-na a ni ta. Hetihrual hian chart top 10-ah MOLIY, Silent Addy, Skillibeng leh Shenseea te ‘Shake It to the Mas (Fly)’ leh Tate McRae ‘Just Keep Watching’ te pawh an lang thar e.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Alex Warren ‘Ordinary’ hian kar khat chhungin khawvel huapin stream maktaduai 70.2 leh sales 12,000 a la nei thei a, hei hi a kar ruk nan chart-ah a No.1 pui leh ta a ni.
Chart top 5 hi kar liamta nen a danglam lo a, he chart-a kar 18 No.1 ni thei Lady Gaga leh Bruno Mars ‘Die With a Smile’ chu No.2-ah bawk a la awm a, kar 12 chart No.1 ni thei ROSE leh Bruno Mars ‘APT.’ pawh No.3-ah bawk a la awm a, kar thum No.1 ni thei Billie Eilish ‘Birds of a Feather’ chu No.4 a la ni a, kar sarih No.1 ni thei Benson Boone ‘Beautiful Things’ pawh No.5-ah bawk a la awm.
MOLIY, Silent Addy, Skillibeng leh Senseea te hla ‘Shake It to the Max (Fly)’ chuan stream maktaduai 44.1 leh sales 3,000 neiin, No.12 atangin No.6-ah a invawrh a, he chart top 10-a lang thei hla an neih vawi khatna a ni.
Tate McRae hla thar ‘Just Keep Watching’ chuan stream maktaduai 33.8 leh sales 2,000 neiin, No.8-ah a debut a, he chart top 10-a lang thei hla pathum a neihna a ni. He hla hi Brad Pitt channa ‘F1’ film hla niin, a film hi June ni 25 (US-ah chuan June ni 27) atangin cinema hall-ah an chhuah tan ang.
Billboard Global 200
Top 10:
1 Ordinary – Alex Warren
2 Die With A Smile – Lady Gaga & Bruno Mars
3 APT. – ROSE & Bruno Mars
4 Birds Of A Feather – Billie Eilish
5 Beautiful Things – Benson Boone
6 Shake It To The Max (Fly) – MOLIY, Silent Addy, Skillibeng & Shenseea
7 Back To Friends – sombr
8 Just Keep Watching – Tate McRae
9 Lose Control – Teddy Swims
10 What I Want – Morgan Wallen Featuring Tate McRae
Alex Warren ‘Ordinary’ a lar ber
Get real time updates directly on you device, subscribe now.