Nilaini zan khan Algeria rama bus che-sualah an ram top-flight team Mouloudia Club El Bayadh player leh coach an thi a, Algerian Football Federation chuan khami zana inkhel tur zawng zawng hun danga khelh atan a sawn.
Algeria ram news agency-te tarlan danin, Zirtawpni league match-a JS Kabylie hma-chhawn turin El Bayadh hi Tizi Ouzou khaw panin an zinchhuak a, an ram hmar thlang khawpui Tiaret daiah squad phur bus chu chesualin, goal-keeper kum 27 mi Zakaria Bouziani leh assistant coach Khalid Muftah-te chu a hmunah an thi nghal a, hliamte dinhmun erawh hlauh-thawnawm a ni lo.
Player nunna chan ta Bouziani hian season kal laiah a team tan league game hnih a khel ve tawh a ni.
Algerian President Abdelmadjid Tebboune chuan thuchhuah siam nghalin, an rama van-duaina thleng chu pawi a tih thu leh nunna chan chhungte a tawrhpui thu a sawi.
Algerian Football Federation chuan De-cember ni 26-a khelh tur Algerian Cup round pawh a ngai anga kal-tlangpui rih loh an rel.
MC El Bayadh tiin emaw a tawi zawnga MCEB emaw an tih mai El Bayadh hi Algerian Ligue 1 table-ah parukna ni mekin, khelh 10-ah point 15 chiah an la hlawhchhuak a, hma-hruaitu MC Alger lakah point 12 laiin tun din-hmunah an hniam tawh.
Algeria rama bus chesualah footballer leh coach an thi
Get real time updates directly on you device, subscribe now.
Prev Post