Amazon humhimna tur inhmuhkhawmna

Brazilian President Luiz Inacio Lula da Silva chuan tunkar hian Amazon forest huam chhunga awm ram te inhmuhkhawmna thleng dawnin khawvela rainforest lian ber humhim a nih theihna tur an ngaihtuah dawn a ni.
Thawhlehni leh Nilaini hian Amazon Cooperation Treaty Organization ram pariat awmna chuan Balem, Amazon state of Para ah inhmuhkhawmna nei dawnin hei hi COP30 UN climate talks neih hmaa inpuahchahna anga ngaih niin kum 2025-ah he khawpui vek hian a thleng dawn a ni.
Tun hi kum 28-a upa pawl tena kum 2009 hnua inhmuhkhawm an neih leh hmasak ber tur niin Lula chuan far-right president Jair Bolsonaro hnuaia Amazon nasa taka tihchereu a nih hnuah Brazil-in climate change a do let tiin thusawina a nei zui ang.
Thingkung tam tak billion tel tehmeuh carbon hipkhawm nei a nih avangin Amazon hi global warming beihletna kawnga pawimawh tawpa ngaih a ni a.
Scientists te chuan tun hnaiah Amazon ram ngaw thiah chu dinhmun derthawng tlingah a awm hman tiin hei vang hian thingkung kih atanga carbon inchhekkhawm tihchhuah chu atmosphere-ah chho zelin chu chuan climate a khawih na thei hle a ni, an ti.
Amazon atanga carbon emission pek chhuah chu kum 2010 atanga 2018 inkar chhung aiin kum 2020 khan 117 per cent lai awhin a sang hman niin Brazil’s national space agency, INPE te chuan an lo sawi tawh bawk.
Veteran leftist Lula, kumin January thlaa office luah leh tan chuan group member dang – Bolivia, Colombia, Ecuador, Guyana, Peru, Suriname leh venezuela te nen Amazon basin chu tichhe tawh lova siam that dan an zawng dawn tiin a sawi.
Leaders te chuan ram ngaw thiah zui a nih zel loh nan leh organized crime tihtawp a nih theih nan leh helai region tana sustainable development a awm theih nan hmalak an tum thu sawiin Amazon region ah hian mihring maktaduai 50 vel chengin chung zingah chuan ram ngaw humhim kawnga pawimawh tak Indigenous group za tel fe an awm bawk.
Brazil hi Amazon ram ngaw 60 per cent vel neitu niin kum 2030-ah dan kalha ram ngaw thiah nuaibo vek tuma intiam niin ram dangte pawh ti ve turin a nawr bawk.
Amazon ram ngaw hi bawng vulhna ang te hmanga tihchereu nasat niin hei bakah hian eirukna te, ram inchuhna leh organized crime illegal traffic, ralthuam, thingzai leh gold lakchhuah tumna te avanga tichereu nasatin a awm bawk. Brazil hi bawngsa leh soy thawnchhuak hnem ber ram niin Amazon tihchereu hmun ngaa thena hmun khat lawih chu Brazil rama tihchereu a ni bawk.