An mualah Germany an chak

An mualah Germany an chak
Japan lakah an mualpho hnuin manager nei lova awm mek Germany chuan thawhleh zana an mikhual France chu 2-1 in an hneh a, an mualah hnehna lian an sualchhuak.
Germany hian Signal Iduna Park-a an mikhual France lakah bul an tan tha viau a, inkhel tan atanga minute lina lekah goal an thun nghal der. Hma taka goal an thun bakah hun tawp dawn hnaih goal an thun belh leh bawk a. France goal neih chhun hi penalty atanga Griezmann thun a ni.
Japan lakah an mualpho hnu lawkin Germany an insiamtha nghal a, team lian zawk France lakah inkhel tan atanga minute lina lekah Thomas Muller chuan Henrichs siamsak atangin hmahruaina goal a thun nghal. Hma takah goal an thun vangin Germany hian inrintawkna an nei thar a, World Cup 2022 finalist France lakah an khel tha zui hle nghe nghe.
Germany hian an mualah khel tha zui viau mah se goal erawh an thun belh har viau thung. Minute 87-naah Leroy Sane chuan Kai Havertz siamsak atangin an goal hnihna a thun a, an hmahruaina a tizau. Goal an chhuah belh hnuin France in goal thun ngei tumin thapui an thawh zui chiam a, goal thun theihna hun remchang an nei thuai. Minute 89-naah Eduardo Camavinga laka Sane foul vangin penalty a hmu. He penalty hi Antoine Griezmann chuan a pet goal a, an si phurh a sut then. An si phurh an sut then vanga phur tharin, tlawm pumpelh tum viau mah se goal dang an thun belh thei lova, Germany lakah an tlawm zui ta a ni.
World Cup-a vawi li zet champion tawh Germany hi inrinni kal ta mai khan an mikhual Japan lakah 4-1 zeta tlawmin an mualpho chiang hle. Japan laka an tlawm hnu lawkah an manager Hansi Flick an ban zui leh bawk a, boruak rit takin a delh mek. Boruak rit tak hnuaiah inlan bawk mah se team lian France lakah hnehna an chang ta hlauh a, he