Bollywood star Abhishek Bachchan leh a nupui Aishwarya Rai Bachchan te chu an inthen niin thu a thang a. An nupa inkar a fuh vak lo niawma sawi thawm hi chu kum hmasa lam atanga irhchhuak tawh kha a ni a, hmanni lawka Ambani mo neihnaah Abhishek hi a nu leh pa te nen an kalho a, chutihlaiin Aishwarya chu an fanu Aaradhya Bachchan nen mo lawmnaah hian an kal dun ve thung a, hei hian an inthen tih thawm a siam nghal a, a hnu lawkah mi tu emawin AI hmangiin Abhishek hi an inthen thu a puantir leh a, hei hian a hmaa sawi sep sep lo awm tawh chu he video lem hian boruak a rawn chhem alh ta pup mai a ni.
Sawi a tam bawk a Abhishek pawh a ngawi mai mai thei tawh bik lo, Bollywood UK Media-in an kawmnaa Abhishek chuang heng hi thulengvak mai mai a nih thu puangin, he interview-ah hian an nupa inkar thu an zawhna chhangin an inneih zungbun a bun lai chu tilangin, “Pawmlai nei ka la ni e,” a ti a, “Hemi chungchang hi chu engmah han sawi tur teh vak pawh ka nei lo. Vanduaithlak takin a nihna piah lamah in sawi vul ta mah mah zawk a ni. Hetianga in tihna chhan erawh ka hrethiam. Eng emaw thu thar in mamawh thin a. A pawi lo e, milar kan ni a, hetiang hi chu kan palzam ve a ngai,” a ti bawk.
An nupa kar thuah Abhishek a tawng chhuak ta
Get real time updates directly on you device, subscribe now.
Next Post