Spider-Man star Andrew Garfield leh Sports Illustrated model Olivia Brower te chu London khawlaiah an teihawi dun lai an hmu fuh tlat mai a, an pahnih hian an in-date niin thu a thang zui ta. An khawlai leng dun hi an inhuat loh hmel khawp mai.
Andrew, kum 40, leh Olivia, kum 27, te inkar hi official-in engmah puan a la awm lo va, engtianga intawng nge an tih pawh rinthu mai a ni nain, Olivia thiannu, Diana (Space Force star) chu Taylor Swift nena inhnaih ve tak an ni a, Swift pawh hi 2011 atanga 2015 thleng Andrew nena lo in-date tawh Emma Stone nena inthiantha tak an ni bawk a, thiante kaltlanga intawng an nih hmel riau.
Andrew leh Emma te hi an inthen hnuah pawh an intichhe chuang lo a, an la inkawmngeih zui viau zel tho a, Emma channa ‘Poor Things’ nikum December-a London-a an premiere-naah pawh Andrew hian a telpui a, mipui zinga Andrew hmel a hmuhin Emma hian ban vaiin, a la flying kiss zauh nghe nghe a ni.
Emma nena an inthen hnuah Andrew hi model Alyssa Miller nen an in-date zuai a, Emma erawh Saturday Night Live director Dave McCary nen inneiin, fanu Louise, kum 2, a nei tawh a ni.
Andrew Garfield leh Olivia Brower
Get real time updates directly on you device, subscribe now.
Next Post