Apex Bank-in mimal leh biak in sakna loan nuai 2217 pek remti

Mizoram Cooperative Apex Bank Board of Directors chu Nilaini khan an thukhawm a. Bank hmalakna hrang hrang an thlir ho.
Board thukhawm hian thawktu 23-te service confirm in, mimal loan nuai 1250 leh biak in sakna loan nuai 967 dilna pek an remti a. Loan sanction zawng zawng hi nuai 2217 a ni.
Mizoram Cooperative Apex Bank hian branch 28 a nei mek a, tun Board thutkhawmah hian kumin chhunga branch thar pathum – North Vanlaiphai, New Colony Siaha leh Ramrikawn Chawlhhmun hawn belh remtih a ni.
Tun dinhmunah Apex Bank hian deposit vaibelchhe 1522.10 atangin loan vaibelchhe 1199.45 a pe chhuak a. Deposit dawn atanga loan pekchhuah tehfung (CD Ratio) hi 78.8% niin, Mizoram bank-ah sum dawn atanga teha loan pechhuak tha ber a ni.