Billboard Global 200 Top 10:
1 Yes, And? – Ariana Grande
2 Lovin On Me – Jack Harlow
3 Greedy – Tate McRae
4 La Diabla – Xavi
5 Redrum – 21 Savage
6 Stick Season – Noah Kahan
7 Cruel Summer – Taylor Swift
8 Lose Control – Teddy Swims
9 Igual Que Un Angel – Kali Uchis & Peso Pluma
10 Murder On The Dancefloor – Sophie Ellis-Bextor
-- Advertisement --
Ariana Grande hla hit “Yes, And?” chu Billboard Global 200 chart-ah a No.1 a, he chart-a kar hnih a No.1-na a ni ta. Hetihrual hian Sophie Ellis-Bextor pawh a vawi khat nan chart top 10-ah a lang e.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-onky streams (subscription leh ad-supported audio leh video music services) leh download sales te chu tehna pawimawh a ni.
Ariana Grande ‘Yes, And?’ hian kar khat chhungin stream maktaduai 62.1 leh download sales 6,000 a nei thei a, hei hi a kar hnih nan chart-ah a No.1 pui leh ta a ni. Ariana Grande hian he chart-a No.1 kai thei hi hla pathum a nei tling tawh a, The Weeknd nena an thawh dunna ‘Save Your Tears’ chu 2021 khan No.1 kaiin, 2020-ah ‘Positions’ a lo No.1 pui tawh bawk a ni.
Billboard Global 200 chart top 5 hi kar kalta nen a danglam lo va, chart No.1 hlui Jack Harlow “Lovin on Me” chu No.2-ah bawk a awm leh a, chart No.1 hlui tho Tate McRae “Greedy” chu No.3-ah bawk awm lehin, Xavi ‘La Diabla’ chu No.4 a la ni a, 21 Savage ‘Redrum’ chu No.5-ah bawk a la awm.
Sophie Ellis-Bextor ‘Murder on the Dancefloor’-in stream maktaduai 33.7 neiin, chart No.17 atangin No.10-ah a invawrh a, he chart top 10-a a lan vawi khatna a ni. He hla hi 2001-a a tlangzarh daih tawh kha niin, ‘Saltburn’ film-ah an hmang a, hei hian tilar thar lehlin top 10-a a kai ta a ni.