Aryna Sabalenka leh Georgios Frangulis an inhual

Tennis star, World No.1, Aryna Sabalenka leh a bialpa Georgios Frangulis te chu an inhual ta a, Aryna hian lunghlui inhualna zungbun a bun ta vâng mai.
Brazilian sumdawng Georgios hi a che romantic riau mai a, swimming pool bulah Belarusian tennis star hmaah hian a thingthi deuh hnap a, swimming pool chu rose parin a khuh deuh vek a, an chheh velah bati var a inchhi thliah bawk a, “Min nei duh ang em?” tiin lunghlu zungbun chu a hlan ta a ni.
Aryna leh Georgios te hian Instagram-ah inhualna zungbun a bun lai tilangin thlalak an post a, a caption-ah, “Nang leh kei, kumkhua atan. 3.3.26” tiin an tarlang bawk.
Aryna, kum 27, hian flip flop dum bunin, jeans leh t-shirt var a ha a, a bialpa hian a surprise chiang ngang mai a, Instagram-ah, “Ka incheidan hi an en ula, zanin thil thleng hi ka beisei loh tak a ni tih inhrethiam mai ang,” a ti bawk.