ASEAN summit-ah Modi-a’n rules-based order ngiat

Rules-based post-COVID world order a ngai tiin Prime Minister Narendra Modi chuan sawiin Indo-Pacific zalen leh inhawng bakah Global South duh dan chu mi tinte tana tha a ni tiin a sawi bawk.
ASEAN-INDIA summit Jakarta, Indonesian capital a neihah Modi chuan ram 10 intelkhawmna chu ‘epicentre of growth’ tia sawiin helai region hian global development lamah pawimawhna thuk tak a nei tiin a sawi bawk a.
Prime Minister chuan ASEAN (Association of Southeast Asian Nations) ramte chuan India-in Indo-Pacific initiative a neihah pawimawhna a nei ril tia sawiin New Delhi chuan inrem taka thawhho a inpeih reng a ti bawk a.
ASEAN hi helai region vela pawl intelkhawm thiltithei bera ngaih niin India mai bakah ram dang US, China, Japan leh Asutralia te pawh dialogue partner rama an neih a ni bawk.
“Kum zabi 21 hi Asia century a ni tawh a. Kan century a ni. He mi atan hian rule-based post-COVID world order tihmakmawh a ni a, mihring te that nana kan thawhho a ngai a ni” tiin Prime Minister Modi chuan a sawi bawk a.
“Indo-Pacific inhawng leh zalen bakah Global South ngaihdan tihsan chu mi tinte tana hlawkna tur a ni,” tiin a sawi.
Prime Minister chuan ASEAN chu India Act East Policy kalpuinaah central pillar a nih tawh thu sawiin ASEAN centrality chu an thlawp tlat thu a sawi bawk a.
“Kan history leh geography te hi ASEAN nena inzawm tlat a ni a. Shared values, regional unity, peace, porsperity te leh ngaihdan in ang kan neih te hi multipolar khawvela inthlunzawma min siamtu a ni” tiin a sawi bawk.
Tun hi ASEAN leh India tena summit an neih dun hmasa ber niin nikum khan inkungkaihna chu ‘comprehensive strategic partnership’ a hlankaiin a awm a.
“Vawiin hian khawvel buai nuai nuai karah kan thawhhona kawng tinah hmasawnna kan hmu a. Chutak chu kan inlaichinna chakzia lantirna a ni,” tiin Modi chuan a sawi bawk a.
A thusawi hawnnaah Modi chuan, “ASEAN in awmzia a nei a, a chhan chu aw tin ngaihthlak a ngai a, ASEAN HI epicentre of growth niin a chhan chu ASEAN region chuan global development ah pawimawhna thuk tak a neih vang a ni,” tiin a sawi bawk.
“Vasudhaiva Kutumbakam – ‘one earth, one family, one future’ hi India in G-20 presidency a theme atana a hman a ni,” tiin Modi chuan a sawi bawk.
Hei bakah hian South China Sea a China-in sipai chakna nasa zual zawka a hman kalzelah Prime Minister Narendra Modi chuan East Asia Summit neihnaah pawh ram tinte sovereignty leh territorial integrity chu zahsak leh venhim a ngai tiin a sawi bawk a.
Modi chuan South China Sea a Code of Conduct chu khawng leh tha takin UN Convention on the Law of the Sea (UNCLOS) milin kalpui a ni tur a ni a ti bawk a.
Modi thusawi hma lawk hian ASEAN ram thenkhat Malaysia, Vietnam leh Philippines te chuan Beijing-in South China Sea a an ram nia an chhal a ram anga ngaia ‘standard map of China’ a tihchhuaha a rin luh an duh lohna an lo lantir tawh thung a.
August 28 khan Beijing chuan ‘standard map of China’ 2023 edition tichhuakin chutah chuan Taiwan mai bakah South China Sea pumpui deuhthaw, Arunachal Pradesh leh Aksai China te chu Chinese territory angin a dah a ni. India chuan he map hi a pawmloh thu leh a duhlohzia China hnenah a hrilh hre zui nghal bawk.
Prime Minister chuan helai region a ram tinte chuan Indo-Pacific a remna leh muanna leh himna an duhin an ngaihtuah vek tiin a sawi a.
“Tuna kan mamawh ber chu Indo-Pacific ah international te UNCLOS [United Nations Convention on the Law of the Sea] te ang inang tlanga hman leh ram tin tena zawm a ni a. Chutah chuan freedom of navigation leh overflight te, mitin te huapzo commercial lama hlawkna te a awm a ni,” tiin Modi chuan a sawi a.
“India chuan Code of Conduct chu South China Sea ah hman ngei a duh a, UNCLOS chu zawm leh a chhehvel ram te duhdan zah chu tihmakmawhah a ngai a ni,” tiin a sawi bawk.
East Asia Summit hi Asia-Pacific a premier forum niin kum 2005 a din kha niin East Asia a strategic, geopolitical lehe conomic lama pawimawhna thuk tak nei a ni a. East Asia-ah hian ASEAN member ram te bakah India, China, Japan, Republic of Korea, Australia, New Zealand leh United States leh Russia te chu an tel bawk.