Assembly bypoll-ah AAP pahnih, BJP, Cong leh TMC pakhat theuh

Assembly bypoll-ah AAP pahnih, BJP, Cong leh TMC pakhat theuh
Tun hnaia state palia assembly bial ngaa bye-electionneihah Aam Aadmi Party (AAP)-in bial hnih lain BJP, Congress leh Trinamool Congress (TMC) ten bial khat theuh an la.
Election Commission-in Thawhtannia result a tihchhuahah AAP state unit chief hlui, Gopal Italia chuan BJP atanga chuhtu, Kirit Patel chu vote 17,581-a hnehin Visavadar, Gujarat-ah an a. Ludhiana West, Punjab-ah AAP candidate leh Rajya Sabha member hlui, Sanjeev Arora chuan minister hlui, Congress hruaitu, Bharat Bhushan Ashu chu vote 10,637-in a hneh.
Arora-a’n hnehna a chan avang hian a thutna Rajya Sabha a ruak dawn ta a, party chief Arvind Kejriwal-a an dah dawn nia sawi a awm nghal a; mahse, Delhi chief minister hlui hian a pha thung.
“Rajya Sabha-ah ka kal dawn lo, kan political affairs committee-in tu nge kan chuhtir dawn tih thutlukna a siam ang,” tiin Delhi-a thuthar lakhawmtuten an kawmnaah a sawi.
West Bengal-ah BJP-in Kadi bial an la a, TMC-in Kaliganj bial changin Kerala-a Nilambur chu UDF-in an la ve thung.
Tun tum bye-election hian thawm a nei liam lem lo va, vote tla pawh a tlem hlawm a; mahse, Punjab, West Bengal leh Kerala te hi nakuma inthlanpui nei tur vek an nih avangin politics-a mi thiamte ngaihven erawh a hlawh.
Visavadar bialah hian December, 2023 khan AAP MLA Bhupendra Bhayani chu bânga BJP a zawm avangin a seat a ruak a. BJP chuan he bialah hian kum 18 chhung MLA an nei lo tawh.
Bengal-a Kadi-ah hian BJP candidate Rajendra Chavda-a’n vote 39,452-in Congress candidate Ramesh Chavda a hneh a. BJP MLA Karsanbhai Solanki chu February, 2025-a a thih avanga a bial ruak niin he bial hi Lok Sabha-a Mehsana bial huam chhung niin BJP thatna a ni.
Congress kaihhruai, United Democratic Front (UDF) chuan Nilambur-ah hnehna changin LDF kut atanginan chang a. Chief Minister Pinarayi Vijayan-a kaihhruai UDF-in an dintir, Aryadan Shoukath chuan LDF atanga chuhtu, M Swaraj chu vote 11,077-in a hneh.
West Bengal-a Kaliganj bialah TMC candidate Alifa Ahmed chuan vote 50,049-in BJP candidate Ashish Ghosh a hneh a. He bial hi Alifa-a pa, Nasiruddin Ahmed-a February-a a thih avanga ruak niin TMC hian kum 2011 atang khan an luah tawh.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Rychlý a chutný salát se zelím a Oblíbený nepřítel cholesterolu: Tato snídaně brání vzniku cholesterolových plaků.