August-ah Mizoram pumah zurui 53 man

Kumin August khan Mizoram pumah Excise leh Police-ten zu rui 53 an man a, zu zuar 459 an man thung.
August thla chhung khan Excise & Narcotics Department (END) chuan zu zuar 433 an man a, Police-in 26 manin, an vaiin 459 an ni. END hian zu rui 24 an man a, Police hian 29 manin, an vaiin 53 an ni.
Hemi thla chhung hian END-in rakzu litre 5779.325 an man a, Police-in litre 664 manin, a vaiin litre 6443.325 man a ni a. END-in zu bilh lai tin 9594, Police-in litre 500 an man bawk.
END-in a senchi (IMFL) um puitling 432, a chanve um 26 leh a quar um (ml 180) 213 an man a; Police-in um puitling 462 chiah an man a ni.
Burma zu – BEDC chu END-in litre 400.2 an man a, Police-in litre 214 an man ve bawk a. Foreign siam a senchi um 9 END-in an man bawk.
Heng bakah hian beer leh wine engemawzat an man a. Zu sakna hmanrua leh a phurhna lirthei man an nei nual a ni.