Nimin Melbourne Park-a mixed doubles final-ah Australian pair Olivia Gadecki leh John Peers tangdun chuan an chipui Kimberly Birrell leh John-Patrick Smith inkawp laka 3-6, 6-4, 10-6 hnehna changin Open era bukah mixed doubles title la thei tualchhung pair palina an ni.
Tun final match kha Open era kum 1967 hnu lam he tournament final-a Australian hlang intum vawikhatna niin, Australian Open bika category pakhat tala home player an champion zawh tum 14-na a ni tel nghal.
Gadecki tan tun kha Grand Slam mixed doubles title a lak vawikhatna a nih laiin he category-a 2022 US Open title lo hlawhchhuak tawh Peers tan a vawihnihna a ni thung.
Kum 36-a upa John Peers hian nikum Paris Olympics-ah khan a chipui Matthew Ebden nen tangkawpin men’s doubles gold a lo awrh tawh a; Finn Henri Kontinen nen thawkdun chungin 2017 Australian Open men’s doubles title a hlawhchhuak tawh bawk.
Aussie hlang inbeihnaa dingchang Gadecki & Peers
Get real time updates directly on you device, subscribe now.
Prev Post
Next Post