Australia-in ‘right to disconnect‘

Australia chuan ‘right to disconnect’ rule hmang tanin, he mi hmang hian hnathawktu chuan a chhawtuin ni tin hna a thawh zawh tawh hnuah a biak emaw message a thawn emaw chhang lo leh chhiar lo theihna a nei ta a ni.
He dan thar hmang hian employees te chuan hnathawh darkar pelh tawh hnuah an hotute atanga communication an hnar theihna dikna pein hrem an tawk thei lo bawk.
Nikuma survey neihah Australians te chuan kum tinin unpaid overtime 281 hour an thawk tia sawi a ni a. Australia dan hmang ang hi Europe leh Latin America-ah pawh ram 20 vel te chuan an hmang mek bawk.
He dan hian employers te chu workers te hnathawh zawh tawh hnuah biak a khapsak lo va. Hnathawkte chuan a chhawr tutena hnathawh darkar pelh tawha an biak tumna an chhan duh loh theihna a pe thung a ni.
Dan thar hnuaiah employers leh employee te chuan harstana an neih te dawhkan kila chingfel turin a ti a. Chuta an chingfel thei lo a nih chuan Australia’s Fair Work Commission (FWC) te an inrawlh tawh dawn thung a.
FWC te chuan employer te chu hnathawh darkar pelh tawhah employee te be tawh lo turin a ti thei a. Mahse, employee ten awm ang lo taka chetlakna an nei a nih chuan employer te chhang turin a tilui thei thung.
FWC order bawhchhiate chu A$19,000 lai chawitir theih an ni dawn a. Worker organisation te chuan sorkar dan thar siam chu tha an tih thu an sawi hlawm bawk.