Austronaut pahnih tangkhang rih
Nasa astronauts pahnih space a thla hnih chuang tangkhang tawh te chu February 2025 ah SpaceX hmangin lei lamah an lo let leh theih beisei a ni.
Nasa te chuan boeing Starliner spacecraft astronauts pahnih Sunita Williams leh Barry Wilmore te chuanna International Space Station(ISS) a zin te chuan lei lam an lo let leh thei dawn tiin an sawi a.
Astronaut pahnih te hian June ni 5 khan ni riat cham turin mission an kalpui a, mahse beisei anga thil awm lovin orbit ah thla riat vel an cham phah a ngai dawn ta a ni.
Starliner hian ISS a panna kawngah harsatna tawkin helium a put ru a, chu chuan propulsion system-ah fuel tilutin thruster tam tak te chu a nih tur angin a awm lo bawk.
Boeing leh SpaceX te chu Nasa-in an astronaut tena commercial space flight an kalpui theih nan billion-dollar project a pek te an ni a. Boeing hnenah $4.2 billion leh SpaceX hnenah $2.6 billion contract a pe a ni.
SpaceX chuan Nasa tan hian space-ah crew pakua a tirlut tawh a, chu mai bakah commercial mission pawh a kalpui tawh a, Boeing erawhin tuna astronaut pahnih a tirhte hi a hmalakna hmasa ber te an ni thung.
Boeing leh Nasa a engineer te chuan Starliner craft-in harsatna a tawh technical thil te hriatfiah tumin thlakhat chuang an chhui chiang tawh a ni.
Test hrang hrang leh data te lakhawmin space lama data an lak te pawh lei lamah thawn zelin harsatna Starliner in a tawhna chhan ber hriatfiah tumin hma an la zui mek a ni.
Nasa Administator Bill Nelson chuan Boeing chuan an spacecraft siam that chungchangah Nasa ten an thawk dun mek tiin a sawi a. “Space flight hi chu risk a ni a, a him thei ang bera chhût pawhin him tia sawi theih a ni chuang lo. Chuvangin kan ngaih pawimawh ber chu himna a ni ber,” tiin a sawi.
Astronaut pahnih te chu ruahman ang chuan February 2025 thleng ISS-ah an la cham ang a, chumi hnuah SpaceX Crew Dragon spacecraft hmangin lei lamah an lo let leh tura hisap a ni.
SpaceX te hian vehicle thar kahchhuah an tumah astronaut pali chuan theihna turin an chhût a, mahse, pahnih chauh chuantir dawnin seat ruak te chu Wilmore leh Williams ten lei lam an lo let theih nan ruahman a ni ta zawk a ni.