Baptist Mipa Pawl-in environment humhalh

Mizoram Baptist Mipa Pawl chuan hma an lo lak mek tawhna, environment humhalh kawngah hma lak chhunzawm zel an tum.
Mizoram Baptist Mipa Pawl (MBMP) Rorel vawi 3-na chu BCM biak in Ebenezer Zobawk South Pastor bialah an nei a. Christian Hospital Serkawna hman tur CT Scan leina tur budget-a dah leh colonoscopy neih theih nan a tul anga hma lak an rel. Environment humhalh kawnga hma lak chhunzawm an rel a, kum 2023 rorel thu bawhzuiin environment humhalh kawngah inzirtirna kawng hrang hrangin neih a ni tih sawi a ni.
MBMP secretary report-a a lan danin, Baptist Mipa Pawl (BMP) hi Pastor bial 76-ah dingin, unit 315-ah member 16068 an awm mek. BMP Unit leh bial hrang hrang atanga missionary support atana an pek chu a vaiin cheng Rs. 6,39,600 niin, MBMP-in missionary support atan Rs. 200000 target an neih chu an pe tla tawh. Kum 2023 BMP Day thawhlawm Rs. 230000 chu AICS tanpui nan hman a ni a. Christian Hospital Serkawn leh Lawngtlaiah Poor Patient Fund atan Rs.3,27,000 pek a ni.