Bawlhhlawh paihna tur din enfiah

Hualngohmun rama bawlhhlawh paihna leh sawngbawlna tur ruahman mek chu Mizoram State Project Monitoring Committee (MSPMC) chuan an vice chairman R Lal Rinawma hoin a hmunah an endik.
‘Construction of Solid Waste Management Centre: Phase-I’ dinna tur hmunhma leh hmalakna awm mek thlithlai a ni a. MSPMC vice chairman chuan a hmunhma chu tangkai thei ang bera hman a tul tih sawiin, hna tithuanawp thei, clearance leh thildang a awm a nih chuan tihfel thuai a tha tih a sawi. Bawlhhlawh tawih thei lo (dry waste), awlsam leh felfai zawka thliar a nih theih dan tur, tawih thei (wet waste) khawl hmanga chak leh awlsam zawka tawih raltir theih dan tur, mechanical compositing chu a hmunah engineer leh contractor-te nen an sawi ho a, vice chairman chuan tun dinhmunah Phase-II hna kalphung awm dan tur azirin assessment neih leh phawt a tha tih a sawi a ni.
Special Assistance to States for Capital Expenditure (SASCE) hmanga cheng vaibelchhe 16.64 a thawh niin, PWD chu implementing department a ni. Phase-I hi tunah kalpui mek niin, building sak leh a kalpawhna kawng siamna a huam tel a ni.
Hualngohmun rama Solid Waste Management Centre din mek satu, contractor chu V Lalbiakzama a ni.