Bawng leh vawk vulhtute tlawh

Sihphir, Lungdai, Serkhan leh Nisapui khuaa vawk leh bawng vulhtute an dinhmun hrechiang turin Animal Husbandry & Veterinary minister C Lalsawivunga chuan a tlawh a, harsatna an tawh leh an hmalak dan enfiahin a kawm.
Minister chuan bawng leh vawk vulha eizawngten harsatna an tawh thin hriatpui tura tlawh a ni tih a sawi a. Mamawh tam tak an neih leh ran chaw man sang zel avanga harsatna an tawh dan a hriatpui tih sawiin, sawrkar ang zawngin vawi leh khatah an harsatnate sutkian nghal mai theih ni lo mah se, an mamawh leh harsatna phuhruk a nih theih nan a theihna ang zela hma lakpui a tum tih a hrilh a ni.
Ran vulhtute hian harsatna an tawhte an lo thlen a. Harsatna an tawh zinga lian ber, ran chaw man to zel avanga ran vulhtuten harsatna an tawh chu a theih chen chena sutkian a nih theih nan sawrkar lam atangin theihtawp chhuah a tum tih a sawi.