Belh chak record siam

Belh chak record siam
DPS Nashik a zirlai Aaryan Shukla chuan digit nga hlir 50 belh chhuak rang thei ber record a siam. Record siam tur hian calculator a hman theih loh a, ngaihtuahna ringawt hmanga belh tur a ni.
Aaryan hi pawl riat zirlai a ni a, number digit nga hlir 50 intlar chu second 25.19 chhungin a belh chuak hman a ni. Record hi Italian TV show ‘Lo Show Dei Record’, Milan, Italy-ah February ni 29, 2024-a a siam a ni.
Aaryan hi 2022 khan Mental Calculation World Cup, Paderborn, Germany-a neihah pawh a lo champion tawh a, he championship-ah hian khawvel ram hrang hrang 20 atanga thluak chak zual mi 40 intihsiakin, Aaryan hi a champion thei a ni.
2018-ah pawh, mipa naupang kum 8 mi chauh a nih laiin Aaryan hian ‘Memorial Turkey Open Championship’ Istanbul, Turkey-a neihah India aiawhin, medal 10 a dawng tawh a, chung zingah pasarih chu gold niin, silver pakhat leh bronze pahnih a dawng tel bawk a, Kids World Record pahnih a siam tawh bawk a ni.