Bengaluru khawpuiah tui harsa hle

Karnataka sorkar chuan bengaluru a tui lama harsatna namenlo awm mek tihziaawm a nih theih nan theihtawp chhuahin a bei mek tiin Deputy Chief Minister DK Shivakumar chuan a sawi a. Tui chhunchuah 3,000 chuang a ro rap tawh thu sawiin a chenna hmuna tui chhunchhuah pawh ro zingah a tel thu a sawi.
“Tui chhunchhuah tin te a kang tawh a, ka chenna in a mi pawh a kang tawh” tiin Deputy Chief Minister chuan a sawi a.
State sorkar chuan tui awmna hmun tin chhinchhiahin an buaipui mek thu a sawi a. “Kan ngai thutak hle a, official te nen pawh sawihona neiin tank tin te pawh kan thuhnuaiah dahin tui awmna hmun tin te kan chhinchhiah vek tawh a ni. Tunnel zahnih leh sawmsarih a kangchat tawh a. tui chhunchhuah 3,000 chuang Bangalore ah ringawt a kang tawh bawk a. Kan tui neih te hi Cauvery atanga kan dawn a ni mai” tiin a sawi.
Deputy Chief Minister chuan Centre chu Mekedatu project buaipuiah tanpui duh lovah a puh bawk a. “Hun harsa tak kan hmachhawn mek a, chuvang a nia Mekedatu project kan ngaih pawimawh em em ni. Central sorkar in ngai pawimawh ve in Mekedatu harsatna chinfel a nih ngei kan beisei” tiin a sawi bawk.
Nikum khan Shivakumar chuan Mekedatu project, Cauvery basin a balancing reservoir tura hisap chu thenawm state nena tui insem tawna harsatna an neih reng chinfelna kawng awmchhun tiin a lo sawi tawh a ni.
Tui harsatna avang hian Bengaluru ah tui man a to hle a, a hmaa 5,000 litre water tanker Rs 500 a lei thin kha tunah chuan Rs 2,000 ah a kaichho tawh a ni.
“Tui man a awm tawka mipui ten an pek theih nan hma kan la ang” tia sawi bawkin Shivakumar chuan water tanker owner tinte chu thuneitute hnena inziaklut vek turin leh March 7 hmaa in register vek turin a ti bawk a.
Bengaluru ah water tanker 3,500 awmah 10% chauh iniaklut an awm a, an in register lo a nih chuan sorkar in a man dawn a ni tiin Shivakumar chuan a sawi bawk.