BIHAR INTHLAN: Mahagathbandhan thatnaah thawh khat nan vote thlak

BIHAR INTHLAN: Mahagathbandhan thatnaah thawh khat nan vote thlak
Bihar assembly inthlan thawh khatna atan Ningani tuk atang khan mipuiin vote an thlak tan ta a. Inthlan hnuhnung berah khan Mahagathbandhan chu thawh khatna neihna huam chhung, Ganga chhim lamah hian an che tha zawk a, tun tumah hian NDA-in hma an sawn dawn em tih chu mite ngaihven a ni.
Thawh khatnaah hian bial 121-ah vote thlak a ni a. Kum 2020 inthlanah khan Rashtriya Janata Dal (RJD), Left party leh Congress telna, Mahagathbandhan chuan bial 63-ah hnehna an chang a. BJP leh Janata Dal (United) pahnihin bial 55 an la ve thung.
Campaign boruak lian taka langsar pahnih chu Prime Minister Narendra Modi leh Leader of Opposition Rahul Gandhi an ni.
Modi-a hian Patna-ah road show neiin amah hmuh tum mi sang tel khawlaiah an intlar a. JD(U) hruaitu, Lalan Singh-a’n a tawiawm a, Chief Minister Nitish Kumar-a tel lo mah se NDA tangrual an inpumkhat tha tih an lantir.
A lan dan maiah chuan Patna kawtthlerah hian Kumar-a’n kum 20 chhung ro a lo rel tawh leh Modi-a kum 11 chhung prime minister a lo nih tawh ninna a lang lo.
Hetih lai hian thalaite zingah erawh hna nei lo an tam avang leh hna zawnga state danga kal an tam avangin hruaitu pahnih ninna leh an laka lungawi lohna lian tak a awm ve bawk.
Gandhi-a chu ni 16 awh Voter Adhikar kawng zawh atanga campaign bul tanin RJD leh CPI-ML ten an tawiawm a, voter-te rilru hmin tumin a bei nasa.
Hetih lai hian campaign boruak vung vanglai takin thla hnih dawn a inlan lo va, zawhna pawh a tam a, rorel laite pawhin beihna remchang takah an hmang.
Hun tawp dawnah inlan lehin VIP hruaitu, Mukesh Saini leh sangha mantute nen Mallah hnamte zingah sangha an man a. A chetla hi social media-ah pawh a darh nasa a; mahse, hei hian thawh khatnaah a thawk dawn em a hriat loh va. Nishad leh Mallah hnamte hi thawh hnihnaa inthlanna tur, Mithilanchal bakah Darbhanga, Madhubani leh Kosi-ah an tam ber.
Campaign boruakah khan political party-te leh mipui pawhin an sawi tam ber chu hna nei lo tam, hna zawnga state danga chhuah, zirna tlahniam leh healthcare tha lo te a ni.
Hna zawnga ramri pela kal an tam a, hei vang hian party-te pawhin hna siam an intiam nasa.
Tejashwi Yadav-a chuan chhung tin atangin sorkar hna thawk an awm a tiam a, hei hi kum nga chhungin vaibelchhe 1.3 a tling a. NDA pawhin an manifesto-ah sorkar hna vaibelchhe 1 pek leh hmeichhe nuai nei vaibelchhe 1 siam an tiam bawk.
Bihar-ah hian November 11-ah a thawh hnih nan vote thlak a ni dawn a, bial 243 awmah thawh khatna bak zawng bial 123-ah inthlan a ni leh dawn a, November 14-ah vote chhiar a ni ang.
Tun tumah hian Kumar-a kaihhruai, JD(U) hova NDA tangrual leh Yadav-a kaihhruai, RJD hova Mahagathbandhan chu inbei bei an ni.