Bilkhawthlir -Saiphai inkar kawngpui khar

Kolasib district Bilkhawthlir leh Saiphai inkar kawng chu Mizoram PWD hnuaia contractor-in siamthat hna a thawk mek a, tha zawk leh chak zawka hna thawh a nih theih nan September 11-22 thleng he kawng hi khar a ni dawn a, lirthei eng chi mah kal phal a ni dawn lo tih Kolasib District SP chuan mipui a hriattir.
He thupek zawm lo chu dan hmanga hrem an nih tur thu a sawi a. Thupek hian tul bik thila police, Fire & Emergency Services, ambulance leh magistrate-te chetvelna erawh a huam lo.