Billboard Women in Music 2026-a chawimawi tur zingah Teyana Taylor, Tate McRae leh Ella Langley an tel

Billboard chuan an kumtin danin kum khat chhunga rimawi khawvela hmeichhe chetha te chawimawina hun Billboard Women in Music Awards an nei leh dawn a, kumina chawimawi tur zingah Teyana Taylor, Tate McRae leh Ella Langley te bakah Kehlani, Laufey, Mariah the Scientist, Zara Larsson leh Thalia te pawh an tel.
Kumin hian Visionary Award chu singer/songwriter leh One Battle After Another star Teyana Taylor hnenah hlan a ni dawn a, Gen-Z Canadian pop star Tate McRae chuan Hitmaker Award a dawng dawn a, Alabama country singer Ella Langley chu Powerhouse Award dawng tura thlan a ni bawk. Heng hmeichhe zaithiam pathum te hian an vanglai an hmang mek a ni deuh ber a, Taylor hian a album ‘Escape Room’ avangin Grammy nomination a nei a, Golden Globe a dawng tawh a, Oscar nomination a nei bawk. McRae leh Langley te pawhin Billboard Hot 100-a No.1 kai thei hla a vawi khat nan an nei ve ve bawk.
Chawimawina dawng tur zinga mi Kehlani pawhin kumtira Grammy an semah khan award pahnih a lo dawng tawh a, tun tumah hian Impact Award dawng tura thlan a ni a, Laufey pawhin kumtira Grammy-ah khan award dawng tawin, tun tumah hian Innovator Award a dawng dawn a, Mariah the Scientist ian Rising Star Award a dawng dawn a, Zara Larsson chu Breakthrough Award dawng tura thlan a ni a, Thalia-i’n Icon Award a dawng bawk ang.
Kumin Billboard Women in Music show hi Keke Palmer-i’n a host dawn a, award hi April ni 29 hian Hollywood Palladium, Los Angeles-ah an sem dawn a, he award-a an ngaihhlut berte zinga mi Woman of the Year dawngtu tur an la puang lo a, nikum khan he award hi Doechii-i’n a dawng.