Billie Eilish ‘Birds of a Feather’ a lar ber

Billie Eilish hla hit ‘Birds of a Feather’ chu Billboard Global 200 chart-ah a No.1 a, he chart-a kar thum a No.1-na a ni ta. Hetihrual hian Lady Gaga leh Bruno Mars ‘Die With a Smile’ pawh No.2-ah a debut bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Billie Eilish ‘Birds of a Feather’ hian stream maktaduai 86.4 leh sales 10,000 a la nei a, hei hi chart-ah a kar thum nan a No.1 pui leh ta a ni.
Lady Gaga leh Bruno Mars hla thar ‘Die With a Smile’ chuan stream maktaduai 75.1 leh sales 31,000 neiin, No.2-ah a debut a, Gaga tan he chart top 10-a lang thei hla a neih hmasak ber a ni a, Bruno Mars tan a pathumna a ni ve thung.
He chart-a kar thum No.1 thei Sabrina Carpenter ‘Espresso’ chu No.2 atangin No.3-ah a tawlh a, chart No.1 hlui bawk Post Malone ‘I Had Some Help’ feturing Morgan Wallen chu No.12 atangin No.4-ah a invawrh thar leh a, Shaboozey ‘A Bar Song (Tipsy)’ chu No.3 atangin No.5-ah a tawlh ta bawk.
Billboard Global 200 Top 10:
1 Birds Of A Feather – Billie Eilish
2 Die With A Smile – Lady Gaga & Bruno Mars
3 Espresso – Sabrina Carpenter
4 I Had Some Help – Post Malone Featuring Morgan Wallen
5 A Bar Song (Tipsy) – Shaboozey
6 Please Please Please – Sabrina Carpenter
7 Si Antes Te Hubiera Conocido – Karol G
8 Good Luck, Babe! – Chappell Roan
9 Who – Jimin
10 Beautiful Things – Benson Boone